N11 არასრულწლოვანთა სარეაბილიტაციო დაწესებულებას გიორგობის ბრწყინვალე დღესასწაულთან დაკავშირებით სასჯელაღსრულებისა და პრობაციის სამინისტროს პენიტენციური დეპარტამენტის ხელმძღვანელი და საპატრიარქოს წარმომადგენლები ესტუმრნენ და მსჯავრდებულებს საჩუქრები გადასცეს.

სასჯელაღსრულების სამინისტროს ინფორმაციით, საქართველოს კათოლიკოს-პატრიარქის, უწმინდესისა და უნეტარესის ილია II-ის კურთხევით გიორგობის დღესასწაულთან დაკავშირებით არასრულწლოვან მსჯავრდებულებს საეკლესიო ლიტერატურა, იერუსალიმიდან ჩამოტანილი ჯვრები და სანთლები, ასევე, ტკბილეულობა და საკვები პროდუქტები გადასცეს.

„უკვე ტრადიციად ჩამოყალიბდა რომ სასჯელაღსრულებისა და პრობაციის სამინისტრო საპატრიარქოსთან ერთად ყველა რელიგიურ დღესასწაულს ულოცავს მსჯავრდებულებს/ბრალდებულებს. N11 არასრულწლოვანთა სარეაბილიტაციო დაწესებულებაში მყოფ ახალგაზრდებს გიორგობის ბრწყინვალე დღესასწაული მივულოცეთ და საჩუქრები გადავეცით. მინდა მათ ვუსურვო მალე განთავისუფლება და საკუთარ ოჯახებში დაბრუნება. მათთან ერთად კი  სრულიად საქართველოს ვულოცავ გიორგობის დღესასწაულს“, - განაცხადა პენიტენციური დეპარტამენტის ხელმძღვანელმა ზვიად მიხანაშვილმა.

შეხვედრის შემდეგ N11 დაწესებულებაში მოქმედ ტაძარში   დღესასწაულთან დაკავშირებით მოძღვარმა პარაკლისი აღავლინა, რომელსაც მსჯავრდებულები დაესწრნენ.

გარდა ამისა, სასჯელაღსრულებისა და პრობაციის სამინისტროსა და  საპატრიარქოს წარმომადგენლებმა N8 პენიტენციურ დაწესებულებაში მყოფი არასრულწლოვანი  ბრალდებულებიც მოინახულეს, გიორგობის დღესასწაული მიულოცეს და საჩუქრები გადასცეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება