საქართველოს ინოვაციების და ტექნოლოგიების სააგენტოსა და ტექნოპარკის ფაბლაბის ორგანიზებით, დღეიდან   რეგისტრაცია იწყება  პროექტზე „დაიწყე ბიზნესი FabLab–თან ერთად".

ინოვაციებისა და ტექნოლოგიების სააგენტოს ინფორმაციით, პროექტის ფარგლებში შეირჩევა 40 გუნდი, რომლებიც  ფაბლაბში შექმნიან მრავალფეროვან პროდუქტებს. მონაწილე გუნდებს შესაძლებლობა ექნებათ, თავიანთი პროდუქტის შექმნისთვის, გამოიყენონ ტექნოპარკის ფაბლაბში არსებული მაღალტექნოლოგიური დანადგარები.

მათივე ცნობით, პროგრამის დასკვნით ეტაპზე გაიმართება გამოფენა-გაყიდვა, რომელიც ხელს შეუწყობს ბიზნეს იდეის მქონე გუნდებს, გაყიდონ საკუთარი პროდუქტი.

პროექტის ფარგლებში  მონაწილე გუნდები გაივლიან   აქტიურ  მენტორშიპსა და ტრენინგებს, რომლებიც შესაძლებლობას მისცემს მათ, განახორციელონ ბიზნეს იდეა სწორი მიმართულებით და განავითარონ სტარტაპი.

პროექტის მიზანია, საქართველოში გაჩნდეს უფრო  მეტი სტარტაპი და  ახალგაზრდებს მიეცეთ საშუალება თავიანთი იდეა აქციონ რეალურ  ბიზნესად, რაც შემდგომში ხელს შეუწყობს ქართული წარმოების ზრდას  და ტექნოლოგიების განვითარებას.

ფაბლაბი არის სამრეწველო ინოვაციების ლაბორატორია,უნიკალური სივრცე ნებისმიერი მოქალაქისათვის, რომელსაც აქვს იდეა და სურს მისი განხორციელება. ლაბორატორია აღჭურვილია ისეთი კომპიუტერით, პროგრამირებადი, თანამედროვე დანადგარული ციკლით, რომელიც ინოვატორებს აძლევს შესაძლებლობას, დაამზადონ ტექნიკურად გამართული,  ხარისხიანი პროტოტიპები, რომლითაც მოიპოვებენ დამატებით დაფინანსებას  და განახორციელებენ მასობრივ წარმოებას.

რეგისტრაციის ვადებია: 1.11.2016 – 15.11.2016

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა