2016-11-01 14:11:51, 1694 ნახვა
სამართალი
ე.წ. ფარული ჩანაწერების საქმეზე დაკავებული გელა ღურწკაია პატიმრობიდან გათავისუფლდა
პატიმრობის ცხრა თვიანი ვადის ამოწურვის გამო, პირადი ცხოვრების ამსახველი მასალის გავრცელების საქმეზე ბრალდებული გელა ღურწკაია პატიმრობიდან გათავისუფლდა.
სასამართლო პროცესი დახურულ რეჟიმში დღეს გაიმართა.
პროკურორ ლაშა კორტიკაძის განცხადებით, 9 თვიანი პატიმრობის ვადა 3 ნოემბერს იწურება, ხოლო ამ დროისთვის მტკიცებულებების გამოკვლევა საქმის მოცულობიდან გამომდინარე ვერ ესწრება.
ცნობისთვის, პირადი ცხოვრების მასალის გავრცელების საქმეზე ოთხი პირია ბრალდებული. მასალის გადაღების საქმეზე კი, ძიება ცალკე საქმედ არის გამოყოფილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
