„ვფიქრობ, რომ „თიბისი ბანკისა“ და „ბანკ რესპუბლიკას“ გაერთიანების გადაწყვეტილება ნამდვილად კარგი იქნება საქართველოს საბანკო სექტორისთვის, და არამც და არამც არ იქნება ბანკებს შორის კონკურენტულობის შემცირების მიზეზი“, - ამის შესახებ ეროვნული ბანკის დირექტორმა კობა გვენეტაძემ დღეს გამართულ პრესკონფერენციაზე განაცხადა.

როგორც გვენეტაძემ აღნიშნა, საბანკო სექტორში ორი მსხვილი ბანკი არსებობს და ეს კონკურენციის არსებობაზე მიუთითებს.

„იყო შეკითხვა, ხომ არ მოახდენს ეს გარიგება გავლენას კონკურენციაზე საქართველოს საბანკო სექტორში; საბანკო სექტორში მანამდეც არსებობდა ორი მსხვილი ბანკი და ასევე მძაფრი კონკურენცია. ამ კონკურენციის პირობებში ხშირად რისკიანი გადაწყვეტილებების მიღებაც კი ხდებოდა. ვფიქრობ, რომ ეს გადაწყვეტილება ნამდვილად კარგი იქნება საქართველოს საბანკო სექტორისთვის, და არამც და არამც არ იქნება ბანკებს შორის კონკურენტულობის შემცირების მიზეზი“,- აღნიშნა გვენეტაძემ.

ამასთან, გვენეტაძეს თქმით, "თიბისი ბანკი" არის ის საბანკო ორგანიზაცია, რომელიც ლონდონის ბრენდულ ბირჟაზე არის კვოტირებული.

"ეს ნიშნავს, რომ ორგანიზაციის ტრანსპარანტულობის დონე არის ძალიან მაღალი. ეს კიდევ უფრო გაზრდის კონკურენციას ქართულ ბაზარზე", - განაცხადა გვენეტაძემ.

შეგახსენებთ, რომ "თიბისი ჯგუფმა"„სოსიეტე ჟენერალისგან“, „ბანკი რესპუბლიკის“ აქციების 100 % შეისყიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს