საქართველოს თავდაცვის მინისტრმა ლევან იზორიამ სახმელეთო ჯარების აღმოსავლეთ სარდლობას დაქვემდებარებული ქვედანაყოფები მოინახულა.

თავდაცვის სამინისტროს ინფორმაციით, ლევან იზორია  გორში V ქვეითი ბრიგადის, ვაზიანში IV მექანიზირებული, I მსუბუქი ქვეითი და I საარტილერიო ბრიგადების, ასევე დაბა მუხროვანში სპეციალური ოპერაციების ძალების და კახეთის რეგიონში საქართველოს ეროვნული გვარდიის მე-20 კადრირებული ბრიგადის სამხედრო ბაზებს ეწვია.

უწყების ინფორმაციით, თავდაცვის მინისტრმა ბრიგადების მეთაურებისგან ადგილზე არსებული პრობლემების შესახებ დეტაური ინფორმაცია მიიღო, როგორც ინფრასტრუქტურული, ისე ტექნიკური თვალსაზრისით.

ლევან იზორიას განცხადებით, პრიორიტეტულია თითოეული ჯარისკაცი და ყველაფერი მაქსიმალურად გაკეთდება იმისთვის, რომ ჯარისკაცმა თავი იგრძნოს დაფასებულად.

„თავდაცვის სამინისტროში ჩვენი პოლიტიკა ორიენტირებულია თითოეული ჯარისკაცის საჭიროებაზე და ამ საჭიროებებს ჩვენ ვეცნობით. ვიყავით დასავლეთ საქართველოში, დღეს შემოვიარეთ აღმოსავლეთ საქართველოს სამხედრო დანაყოფები და მათთან ერთად მოვახდინეთ იდენტიფიცირება იმისა, თუ რა უნდა შევცვალოთ, როგორც სისტემურად ისე ინფრასტრუქტურული თვალსაზრისით. ჩვენ სამხედრო მოსამსახურეების საჭიროებებზე ორიენტირებულ პოლიტიკას გავაგრძელებთ და ყოველთვის გვექნება ინტენსიური ურთიერთობა ჩვენს ჯარისკაცებთან, რადგან მოხდეს იმ სტრატეგიული რეფორმების განხორციელება, რაც გვაქვს მიზნად დასახული“ - განაცხადა  ლევან იზორიამ.

ქვედანაყოფებში თავდაცვის მინისტრთან ერთად, სახმელეთო ჯარების აღმოსავლეთ სარდლობის სარდალი, პოლკოვნიკი შავლეგო ტაბატაძეც იმყოფებოდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს