თავდაცვის სამინისტროს ინსტიტუციური აღმშენებლობის სკოლაში კიბერუსაფრთხოების სფეროში ცნობიერების ამაღლების კურსი გაიხსნა.

მონაწილეებს თავდაცვის სამინისტროს სსიპ კიბერუსაფრთხოების ბიუროს დირექტორმა, ანდრია გოცირიძემ და საქართველოში ნატოს სამეკავშირეო ოფისის ხელმძღვანელმა, უილიამ ლაჰიუმ სიტყვით მიმართეს და მსაგვსი კურსებისა და კიბერუსაფრთხოების სფეროში ცნობიერების ამაღლების მნიშვნელობაზე ისაუბრეს.

„კიბერუსაფრთხოების სფეროში ცნობიერების ამაღლების საბაზისო კურსი კომპიუტერული ტექნიკის მომხმარებლებისთვის“ თავდაცვის სამინისტროს სისტემის სტრუქტურული ქვედანაყოფების ხელმძღვანელებისთვის არის განკუთვნილი და მას მხარს უჭერს ნატოს სამეკავშირეო ოფისი და ნატო-საქართველოს არსებითი პაკეტის ძირითადი ჯგუფი.

თავდაცვის სამინისტროს ცნობით, კურსის განმავლობაში კიბერუსაფრთხოების ბიუროს ხელმძღვანელი პირები მონაწილეებს საქართველოს კიბერსაფრთხეებისა და პოსტსაბჭოთა კონფლიქტებში კიბერელემენტების გამოყენების შესახებ ინფორმაციას მიაწვდიან; ასევე, განხილული იქნება კიბერუსაფრთხოების სფეროში მოქმედი საერთაშორისო და ეროვნული ნორმატიული აქტები, კიბერუსაფრთხოების ძირითადი ტერმინოლოგია და მავნე პროგრამული უზრუნველყოფა. ყურადღება თავდაცვის სექტორისთვის კიბერუსაფრთხოების სფეროში ცნობიერების ამაღლების მნიშვნელობაზე გამახვილდება.

ანდრია გოცირიძის თქმით, კიბერუსაფრთხოების ბიუროს ინიციატივით, დღეს საფუძველი ჩაეყარა სავალდებულო კურსს, სადაც მსმენელები იმ საბაზისო ცოდნას მიიღებენ, რაც საჭიროა ყველა მომხმარებლისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს