საქართველოში სამუშაო ვიზიტით ევროკავშირის კრიზისების მართვის სამოქალაქო ასპექტების კომიტეტის (CivCom) დელეგაცია იმყოფება. დღეს ევროკავშირის წარმომადგენლები მეოთხე მექანიზირებულ ბრიგადას ესტუმრნენ. უცხოელ სტუმრებს საქართველოს შეიარაღებული ძალების გენერალური შტაბის უფროსის მოადგილემ, ბრიგადის გენერალმა გიორგი სურმავამ უმასპინძლა.

ბაზაზე სტუმრობისას ბრიგადის ხელმძღვანელობამ დელეგაციის წევრებს საქართველოში სამხედრო და უსაფრთხოების კუთხით არსებული გარემოსა და ადგილზე განთავსებული ქვედანაყოფის შესახებ მოკლე პრეზენტაცია წარუდგინა. ევროპელი სტუმრებისთვის ბრიგადის ძირითადი აღჭურვილობის შესახებ მცირე გამოფენაც მოეწყო.

კრიზისების მართვის სამოქალაქო ასპექტების კომიტეტის საველე ვიზიტები მისიებში რეგულარულად ხორციელდება, რაც დელეგატებს საშუალებას აძლევს იურთიერთონ და მოსაზრებები გაცვალონ სხვადასხვა ადგილობრივ აქტორებთან და სამოქალაქო საზოგადოების წარმომადგენლებთან.
ევროკავშირის კრიზისების მართვის სამოქალაქო ასპექტების კომიტეტი ევროკავშირის სამოქალაქო მისიების მთავარ მაკოორდინირებელ ორგანოს წარმოადგენს. ის ასევე ზედამხედველობას უწევს საქართველოში ევროკავშირის სადამკვირვებლო მისიის (EUMM) მუშაობას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს