აჭარის მთავრობის თავმჯდომარე ზურაბ პატარაძე და აჭარის ფინანსთა და ეკონომიკის მინისტრი რამაზ ბოლქვაძე სასტუმრო „მეგაპალასის" მშენებლობის პროცესს გაეცნენ. 

მთავრობის წარმომადგენლებს პროექტის დეტალები შპს „მეგაპალასის" დირექტორმა ედუარდ ხიმშიაშვილმა გააცნო. პროექტით რეგიონში დაახლოებით 14 მლნ. ლარის ინვესტიცია ხორციელდება. 30 სართულიან შენობაში სულ 105 სასტუმრო ნომერი, კაზინო, რესტორანი, საცურაო აუზი და სხვა ობიექტები განთავსდება. ამ ეტაპზე დასრულებულია შენობის მშენებლობის სამუშაოები და გარე და შიდა ფასადის მოწყობა(ლიფტების და ფანჯრების მონტაჟი, კიბეების მოწყობა და სხვა.) მიმდინარეობს. მშენებლობაზე 80 ადამიანია დასაქმებული. მშენებლობა 2014 წელს დაიწყო და ის 2017 წელს დასრულდება.

მნიშვნელოვანია, რომ რეგიონში რამდენიმე მსხვილი ინვესტიცია სწორედ სასტუმროების მშენებლობას უკავშირდება. ამ ეტაპზე მიმდინარეობს შპს „ალიანსის" სასტუმროს მშენებლობა, რომელშიც ოპერირებას საერთაშორისო ბრენდი „ქორთიარდ მარიოტი" განახორციელებს, ასევე ახალ ბულვარში დასრულების სტადიაშია სასტუმრო „მეტრო სითი 2", სადაც 50 მლნ დოლარის ინვესტიციაზეა საუბარი. სულ მალე გაიხსნება - შპს „მეტრო ატლას ჯორჯია", სასტუმრო "EUPHORIA" .

პარალელურად, გმირთა ხეივანში ერთდროულად 3 მაღალი დონის სასტუმრო კომპლექსი შენდება, რომელთა ოპერირებას საერთაშორისო ბრენდები განახორციელებენ. სამივე პროექტის ჯამური საინვესტიციო ღირებულება არანაკლებ 31 მლნ დოლარს შეადგენს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბი კორძაიას პოსტის საფუძველზე შსს-მ გამოძიება გაუპატიურების მუხლით დაიწყო

ზუგდიდში ჯიჭონაიების შვიდ სულიან ოჯახს ასახლებენ, ადგილზე ხმაურია - ვიდეო

„გააცოცხლე“ - თიბისელების ახალი გარემოსდაცვითი ინიციატივა

ავიაკომპანია „ლუფთჰანზამ“ 20 000 რეისი გააუქმა ავიასაწვავის ფასების ზრდის გამო