ეკონომიკური გუნდის მინისტრების საკომიტეტო მოსმენა ხუთშაბათს გაიმართება

2015-03-10 17:29:05, 700 ნახვა

ეკონომიკა

ქვეყნის ეკონომიკიურ საკითხებთან დაკავშირებით, მთავრობის ეკონომიკური გუნდის მინისტრების საკომიტეტო მოსმენა ხუთშაბათს გაიმართება, რიგგარეშე სხდომა კი, პარასკევს. გადაწყვეტილება პარლამენტის თავმჯდომარესთან კონსულტაციების შემდეგ გახდა ცნობილი. საკომიტეტო მოსმენა 13 მარტს იყო ჩანიშნული, მაგრამ იმის გამო, რომ პრეზიდენტმა ამ დღეს რიგგარეშე სხდომა მოიწვია, საკომიტეტო მოსმენა 12 მარტისთვის დანიშნეს.
"რატომღაც ისევ, როცა არასასეიო კვირაა, ისევ რიგგარეშე სხდომის მოწვევა ჩათვალა ოპოზიციამ საჭიროდ იმიტომ, რომ როგორც ჩანს, მათ საქმიანი მუშაობის, საქმიანი განხილვის მაგივრად მხოლოდ რიგგარეშე სხდომის მოწვევით და პიარ თემებზე აქცენტირებით უნდათ ამ საკითხებზე მანიპულირება. ამ შემთხვევაში უკვე მათ გარკვეულად დაითანხმეს პრეზიდენტი, რომ მოეწვია რიგგარეშე სხდომა.მე პირადად არ ჩავალ",-განაცხადა უმრავლესობის ლიდერმა დავით საგანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან