ლევან იზორია: თავდაცვის სამინისტროს სერტიფიცირებული მყვინთავ-ინსტრუქტორი არ ჰყავს

2016-08-31 19:53:54, 844 ნახვა

სამხედრო

"ჩვენ დამატებითი ინფორმაცია მოვიძიეთ თავდაცვის სამინისტროში 6-7 წლის განმავლობაში თუ არსებობდა ინსტრუქტორი, რომელსაც ექნებოდა სერტიფიკატი, სამწუხაროდ ასეთი ვერ ვიპოვეთ" - ამის შესახებ საქართველოს თავდაცვის მინისტრმა ლევან იზორიამ განაცხადა.

მინისტრის განცხადებით, ასეთი სერტიფიკატის მქონე პირს უწყებაში 6-7 წლის განმავლობაში არ უმუშავია. როგორც მან აღნიშნა, მისი პასუხისმგებლობაა მსგავსი ფაქტების პრევენციაა. კონკრეტული პირების ბრალეულობის შესახებ პროკურატურა ისაუბრებს.

"თავდაცვის სამინისტროს ფარგლებში ინსტრუქტორის სერტიფიკატი არ გააჩნდა იმ პირებს, ვინც წვრთნებს ახორციელებდა, ამიტომ ჩვენ დამატებითი ინფორმაცია მოვიძიეთ თავდაცვის სამინისტროში 6-7 წლის განმავლობაში თუ არსებობდა ინსტრუქტორი, რომელსაც ექნებოდა სერტიფიკატი, სამწუხაროდ ასეთი ვერ ვიპოვეთ. მყვინთავის კურსი არ ნიშნავს ინსტრუქტორის კურსს. შეიძლება იყოთ კარგი მოსწავლე და არა მასწავლებელი. ჩემი მიზანი არის ერთადერთი, თითოეული ჯარისკაცის უსაფრთხოება იყოს დაცული. ყველა მსგავსი წვრთნები შეჩერდეს, ეს გადაწყვეტილება მივიღე. ჩემი მინისტრის პასუხისმგებლობაა მსგავსი ფაქტების პრევენციაა. კონკრეტული პირების ბრალეულობის შესახებ პროკურატურა ისაუბრებს,"- აცხადებს ლევან იზორია.