აჭარის მთავრობის თავმჯდომარემ ზურაბ პატარაძემ მე-17 საჯარო სკოლის სარეაბილიტაციო სამუშაოები აჭარის განათლების, კულტურისა და სპორტის მინისტრთან გიორგი თავამაიშვილთან ერთად დაათვალიერა. მათთან ერთად აგრეთვე იმყოფებოდნენ განათლების მინისტრის მოადგილე ლადო მგალობლიშვილი და მთავრობის სხვა წევრები.

ამ ეტაპზე მიმდინარეობს შიდა მოსაპირკეთბელი სამუშაოები. კერძოდ, რემონტდება საკლასო ოთახები. გამოიცვალა კარ-ფანჯრები, მოწესრიგდა სველი წერტილები. ახალი სასწავლო წლისათვის სკოლა აღიჭურვება ახალი სასწავლო და საოფისე ინვენტარით.

სკოლის შენობის სარეაბილიტაციო სამუშაოებს ასრულებს ტენდერში გამარჯვებული კომპანია შპს" პატრიოტი". სარეაბილიტაციო სამუშაოების ღირებულება 850 729 ლარს შეადგენს.

სკოლის სარეაბილიტაციო სამუშაოები 2016 წლის ივნისში დაიწყო და მიმდინარე წელს უნდა დასრულდეს.

აჭარის ა.რ. განათლების, კულტურისა და სპორტის სამინისტრო „საჯარო სკოლების ინფრასტრუქტურის გაუმჯობესების" მიზნობრივი პროგრამის ფარგლებში მიმდინარე წელს 19 სკოლის მშენებლობა-რეაბილიტაციის პროექტს ახორციელებს. (მათ შორის 5-მშენებლობა, 14-რეაბილიტაცია).

პროგრამის საერთო ბიუჯეტია 5 650 000 ლარი.https://www.youtube.com/watch?v=6mp225ogTew 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა