საქართველო 2016 წლის საავიაციო ტურისტულ რალის მასპინძლობს.

სამოყვარულო საავიაციო რალის მონაწილეები ევროპიდან საქართველოში 11 საჰაერო ხომალდით ჩამოფრინდნენ.  ჯგუფის წევრებს ნატახტარის აეროპორტში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე და ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელი გიორგი ჩოგოვაძე  შეხვდნენ.

შეხვედრაზე დავით ბაქრაძემ საქართველოს ტურისტული პოტენციალის წარმოჩენის, ევროპის ქვეყნებში საქართველოს შესახებ ცნობადობის ამაღლებისა და მომავალი პარტნიორობის ჩამოყალიბების თვალსაზრისით,  საქართველოსთვის მსგავსი ღონისძიების მნიშვნელობაზე ისაუბრა და მონაწილეებს პროექტის განხორციელების მხრივ მაქსიმალური მხარდაჭერა აღუთქვა.

საავიაციო ტურისტულ რალიში ევროპის სხვადასხვა ქვეყნიდან 28 ადამიანი მონაწილეობს. საავიაციო რალის მონაწილეები  საჰაერო ხომალდებით (Cessna 182, Cessna T 303, Cessna 182 T, TB-21 Trinidad, P32R, Flight Design CTLS. T 9 Stiletto, P 2006 T, SR22, PA 32T)  მესტიას და თელავს მოინახულებენ. ჯგუფის წევრები ავტომობილებით ყაზბეგში გაემგზავრებიან. ევროპელი მფრინავები საქართველოს გერმანიიდან, იტალიიდან, საფრანგეთიდან, გაერთიანებული სამეფოდან, ლუქსემბურგიდან და თურქეთიდან ესტუმრნენ. საავიაციო რალი 5 აგვისტოს, უნგრეთში დაიწყო, საქართველოში ევროპელი მფრინავები 13 აგვისტომდე დარჩებიან.   საავიაციო ტურისტული რალი ლუქსემბურგის საჰაერო ხომალდების მფლობელთა და პილოტთა ასოციაციის ორგანიზებით იმართება.

ყოველწლიური ავია რალი განთქმული ავსტრიელი პილოტის ჰანს გუტმანის სახელს ატარებს, რომელიც ავიაკატასტროფაში დაიღუპა. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ  ლუქსემბურგის ჰაერნაოსნობის ფედერაციის საპატიო პრეზიდენტი ჟან ბირგენი და ფედერაციის წევრები საქართველოში 2015 წელს მოიწვია. დავით ბაქრაძესთან შეხვედრისას, გასულ წელს, გადაწყდა, რომ 2016 წლის სამოყვარულო ტურისტული ავია-რალის საბოლოო დანიშნულების ქვეყანა სწორედ საქართველო ყოფილიყო.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა