ეკონომიკისა და მდგრადი განვითარების სამინისტრო  უწყების  შენობასთან გამართულ საპროტესტო აქციასთან დაკავშირებით განცხადებას ავრცელებს. 

როგორც განცხადებაშია აღნიშნული, მუხაძის ქუჩის მცხოვრებლები არ ფლობენ საკუთრების უფლების დამადასტურებელ დოკუმენტს.

„საქართველოს ეკონომიკისა და მდგრადი განვითარების სამინისტროს შენობასთან  დღეს გამართულ საპროტესტო აქციასთან დაკავშირებით, სადაც თბილისში, მუხაძის ქუჩის მაცხოვრებლები ითხოვდნენ თვითნებურად დაკავებული  სახელმწიფო ქონების დაკანონებას და შესაბამისი კომუნიკაციებით უზრუნველყოფას, განვმარტავთ, რომ ხსენებულ მისამართზე მცხოვრებიპირები არ ფლობენ საკუთრების უფლების დამადასტურებელ დოკუმენტს, რის გამოც სახელმწიფო ქონების ეროვნული სააგენტო  მოკლებულია სამართლებრივ შესაძლებლობას დააკმაყოფილოს აქციის წევრების მოთხოვნები.

ხაზგასმით აღვნიშნავთ, რომ არსებულ  საკითხთან დაკავშირებით აქციის საინიციატივო ჯგუფის წარმომადგენლებსა და სახელმწიფო ქონების ეროვნულ სააგენტოს თანამშრომლებს შორის დანიშნული იყო სამუშაო შეხვედრა, რომელიც საინიციატივო ჯგუფის წევრების არგამოცხადების გამო ჩაიშალა. გაცნობებთ, რომ წლების განმავლობაში,საქართველოს მასშტაბით, სახელმწიფო საკუთრებაში არსებული მთელი რიგი უძრავი ქონება კანონიერი სარგებლობის დამადასტურებელი დოკუმენტის გარეშედაკავებული აქვთ სხვადასხვა ფიზიკურპირებს. ამასთან დაკავშირებით საქართველოს ეკონომიკისა და მდგრადი განვითარების სამინისტროაქტიურად მუშაობს სხვადასხვა სტრუქტურებთან  შესაბამისი ინფორმაციის მოძიებისა და სისტემურად დამუშავების კუთხით.

ასევე გვინდა მოვუწოდოთ ყველა პოლიტიკურ ორგანიზაციას, არ მოახდინონ ასეთი საკითხებით სპეკულირება და მოსახლეობის შეცდომაში შეყვანა“,-ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა