2016-08-03 12:30:21, 3945 ნახვა
პოლიტიკა
თავდაცვის მინისტრის მოადგილეებად ლელა ჩიქოვანი და ნუკრი გელაშვილი დაინიშნენ
საქართველოს თავდაცვის მინისტრის მოადგილეებად ლელა ჩიქოვანი და ნუკრი გელაშვილი დაინიშნენ.
პრემიერ-მინისტრმა შესაბამის ბრძანებებს 2 აგვისტოს მოაწერა ხელი.
ლელა ჩიქოვანმა თავდაცვის მინისტრის პირველი მოადგილის თანამდებობა დაიკავა, ხოლო ნუკრი გელაშვილმა მოადგილის.
ჩიქოვანი ამ დრომდე სახელმწიფო უსაფრთხოების სამსახურის ადმინისტრაციის უფროსის თანამდებობას იკავებდა, გელაშვილი კი, შსს-ს პოლიციის აკადემიის რექტორი იყო.
ცნობისთვის, საქართველოს თავდაცვის მინისტრის პოსტზე თინა ხიდაშელი სუს-ის უფროსის უკვე ყოფილმა მოადგილემ ლევან იზორიამ შეცვალა. იგი პრემიერმა 1 აგვისტოს მთავრობის ადმინისტრაციაში წარადგინა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
