2016-08-01 09:11:46, 640 ნახვა

---

„ნაციონალურმა მოძრაობამ“ პარლამენტსა და აჭარის უმაღლეს საბჭოში მაჟორიტარობის კანდიდატები წარადგინა

“ერთიანმა ნაციონალურმა მოძრაობამ" საქართველოს პარლამენტსა და აჭარის უმაღლეს საბჭოში მაჟორიტარობის კანდიდატები წარადგინა.

ბათუმში, მემედ აბაშიძის ქუჩაზე შეკრებილ მხარდამჭერებს პარტიის ლიდერმა დავით ბაქრაძემ სიტყვით მიმართა და საარჩენო პროგრამა გააცნო. აჭარაში „ნაციონალური მოძრაობის" სიის პირველმა ნომერმა ლევან ვარშამონიძემ კი, მათ კანდიდატები წარუდგინა.

საქართველოს პარლამენტში ბათუმიდან კენჭს იყრიან მირდატ ქამადაძე, თემურ დუმბაძე და გიორგი კირთაძე. უმაღლეს საბჭოში მოსახვედრად კი, ნინო ჯინჭარაძე, გია აბულაძე და ელგუჯა ბაგრატიონი იბრძოლებენ.

ღონისძიებას პარტიის ლიდერის მიხეილ სააკაშვილის დედა გიული ალასანია დაესწრო, ხოლო საქართველოს ყოფილი პრეზიდენტი ბათუმელებს უკრაინიდან ვიდეო მიმართვით მიესალმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი