ვფიქრობ, მუქარის შემცველი პოსტი ბოროტი ხუმრობა იყო, - ამის შესახებ პანკისში მცხოვრებმა სულხან ბორძიკაშვილმა „ექსპრესნიუსს“ მუქარის შემცველ პოსტთან დაკავშირებით განუცხადა, რომელიც რამდენიმე დღის წინ დუისელმა ახალგაზრდამ გაავრცელა.

ბორძიკაშვილი ფიქრობს, რომ ახალგაზრდამ ვერ გაიაზრა, რა მოჰყვებოდა მის ქმედებას.

 „გუშინ შუადღის შემდეგ გავრცელდა ინფორმაცია, რომ დუისში დააკავეს მუქარის შემცველი პოსტის გამავრცელებელი ადამიანი. დაკავებულის პოსტი მეც ვნახე, სადაც ეწერა, რომ თბილისში აფეთქება მოხდებოდა. დაკავებულის  სახელი და გვარი არ ვიცი, მგონი, ვახტანგი ქვია. სხვა დამატებითი ინფორმაცია ამ დროისთვის უცნობია. ერთადერთი ის არის, რომ ჩემი აზრით, ეს ბოროტი ხუმრობა იყო. მან ვერ გაიაზრა ამ ყველაფერს რა შედეგი შეიძლება მოჰყოლოდა. რეალურად, მისგან თბილისს არანაირი საფრთხე არ ემუქრება“, - აცხადებს ბორძიკაშვილი.

ცნობისთვის, თბილისში აფეთქების შესახებ მუქარის შემცველი ინფორმაციის გავრცელების გამო, დუისში 23 წლის ახალგაზრდა დააკავეს.

ახალგაზრდამ რამდენიმე დღის წინ სოციალურ ქსელში მუქარის შემცველი ტექსტი და ფოტო გამოაქვეყნა, რის საფუძველზეც კონტრტერორისტულმა ცენტრმა გამოძიება დაიწყო.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი