2016-07-29 15:28:36, 642 ნახვა
პოლიტიკა
პრემიერ-მინისტრი დავით უსუფაშვილს შეხვდა
საქართველოს პრემიერ-მინისტრი გიორგი კვირიკაშვილი პარლამენტის თავმჯდომარე დავით უსუფაშვილს შეხვდა.
შეხვედრა მთავრობის ადმინისტრაციაში გაიმართა.
2030.news-ს ინფორმაციით, შეხვედრის ერთ-ერთი ძირითადი თემა მთავარ პროკურატურაში საკონსტიტუციო სასამართლოს მოსამართლეებზე სავარაუდო ზეწოლის საქმეზე დაწყებული გამოძიება იყო.
გარდა ამისა, კვირიკაშვილმა და უსუფაშვილმა მინისტრთა კაბინეტში დაგეგმილი ცვლილებების შესახებაც იმსჯელეს.
შეხვედრაზე ასევე ხელისუფლების სხვადასხვა შტოების პირველ პირებს შორის აუდიენციის აუცილებლობასთან დაკავშირებით პარლამენტის თავმჯდომარის რამდენიმე დღის წინანდელ შეთავაზებაზე იმსჯელეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
