აჭარის ავტონომიური რესპუბლიკის მთავრობის თავმჯდომარე, ზურაბ პატარაძე დღეს გონიო-აფსაროსის ციხე-სიმაგრეში გამართულ ღონისძიებას მეუღლესთან ერთად დაესწრო.

გონიოს ციხე, რომლის ისტორია მჭიდროდაა დაკავშირებული რომაულ კულტურასთან, ერთი დღით რომაული ლეგიონის ადგილსამყოფელად გადაიქცა. ღონისძიებაზე ,,რომაელი ჯარისკაცის ერთი დღე გონიოში'' მთავრობის წარმომადგენლებთან ერთად ციხის ვიზიტორებიც ესწრებოდნენ.

ციხის ტერიტორიაზე წარმოდგენილი იყო რომაელი ლეგიონერის აღჭურვილობა, ჯარისკაცის ცხოვრებასთან და საქმიანობასთან დაკავშირებული ნივთები, რომაული კერამიკული ნაწარმი. ღონისძიების ფარგლებში მოეწყო ე.წ ,,გლადიატორების ორთაბრძოლა''.

მსგავსი შოუები ციხის ტერიტორიაზე პერმანენტულად გაიმართება, რაც ერთის მხრივ ტურისტების მოზიდვას შეუწყობს ხელს, მეორეს მხრივ კი საუკეთესო საგანმანათლებლო-შემეცნებითი საშუალება იქნება ადგილობრივი ახალგაზრდებისათვის.

ღონისძიებაზე დაჯილდოვდა გონიოს ციხეში ყველაზე მეტი ვიზიტორის შემომყვანი ტურისტული სააგენტო და ის ჟურნალისტები, რომლებსაც ყველაზე მეტი სიუჟეტი ჰქონდათ მომზადებული გონიოს ციხეზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა