გვენეტაძე რეფინანსირების განაკვეთის შემცირებას შიდა და საგარეო ინვესტიციების გააქტიურებას უკავშირებს

2016-07-27 16:54:57, 1122 ნახვა

ეკონომიკა

ეროვნული ბანკის პრეზიდენტის კობა გვენეტაძის განცხადებით, ეროვნული ბანკის მიერ მონეტარული პოლიტიკის განაკვეთის შემცირების გადაწყვეტილება განპირობებულია, იმით რომ შედარებით გააქტიურებულია შიდა და საგარეო ინვესტიციები.

გვენეტაძის თქმით, მონეტარული პოლიტიკის განაკვეთი 25 საბაზისო პუნქტით შემცირდა.

„ჩვენი წინა გათვლებით და პროგნოზით ზრდა მოსალოდნელი იყო 3 % დღეს დღეობით კი ეს პროგნოზი არის 3,5 %. ამასთან განსაკუთრებით მნიშვნელოვანია მშენებლობის სექტორის დადებითი წვლილი, ასევე ევროპასთან თავისუფალი ვაჭრობის პოზიტიური ეფექტები. გარდა ამისა ეკონომიკური ზრდის პროგნოზის გაზრდას და შეცვლას ხელი შეუწყო იმანაც, რომ დაგეგმილმა ფისკალურმა სტიმულმა და ინვესტორთა განწყობის გაუმჯობესებამ. ამავე დროს ჩვენ ყურადღებით ვაკვირდებით მონეტარული პოლიტიკის გადაცემას ფინანსურ ბაზრებზე და ამ დაკვირვების დროს მიღებულ ინფორმაციას ვითვალისწინებთ გადაწყვეტილებაში. სწორედ ეს იყო ის ძირითადი ფაქტორები, რამაც განაპირობა მონეტარული პოლიტიკის განაკვეთის 25 საბაზისო პუნქტით შემცირება“, - განაცხადა კობა გვენეტაძემ.