„ნაციონალური მოძრაობის“ წევრის რომან გოცირიძის შეფასებით, მმართველი გუნდის განცხადებები და არგუმენტები NDI-ის კვლევებზე კომიკურ სპექტაკლს გავს.

როგორც გოცირიძემ „ექსპრესნიუსს“ განუცხადა, 2012 წელს NDI-ის კვლევა არჩევნებთან არაფერ შუაში არ იყო, რადგან მაშინ არჩევნების ბედი რუსეთის ხელშეყობით დადგმულმა ციხის კადრებმა გადაწყვიტა.

„როდესაც ამბობენ, რომ კვლევას არ ენდობია, ეს უკვე სასაცილო აკვიატებაა. NDI-ის გარდა, გამოკითხვას მრავალი სვა ორგანიზაციაც ახორციელებს.  NDI-ის გარდა, კვლევა სამმა ორგანიზაციამ ჩაატარა. როდესაც ხელისუფლება ამბობს, რომ ამ ყოველივეს არ ენდობა, მაშინ რა არის „ნაციონალური მოძრაობის ასეთი მიზიდულობა, რომ თურმე, ყველა დასავლური ორგანიზაცია კვლევას „ნაციონალური მოძრაობის“ სასარგებლოდ აკეთებს. თურმე „ნაციონალურ მოძრაობას“ შეუძლია კვლევები მათ სასარგებლოდ წარმართონ და „ოცნებას“ რატომ არ შეუძლია - ხელისუფლება მათ ხელშია, სახელმწიფო ბიუჯეტი მათ ხელშია. ნოდარ ჯავახიშვილმა ისიც კი თქვა, რომ ნაციონალებმა სავალუტო ფონი მოისყიდესო. წარმოგიდგენიათ, მსოფლიო გიგანტური ორგანიზაცია ჩვენ მოვისყიდეთ და ამიტომ წერს ხელისუფლების მიამრ ცუდ დასკვნებს? ეს უკვე კომიკური ვითარებაა. სერიოზული კომენტარი ამაზე არ შეიძლება. არჩევნები მხოლოდ კვლევაზე არ არის დამოკიდებული. 2012 წლის არჩევნებზე ძალიან დიდი როლი ითამაშა რუსეთის ხელშეწყობით დადგმულმა ციხის კადრებისა და ცოცხების სპექტაკლმა. ამ კადრების დამდგმელი ყველა ადამიანი რუსეთის ვიზიტორი გახდა. ამან ბოლო დღეებში არჩევნების ბედი გადაწყვიტა“ , - აცხადებს გოცირიძე.

ცნობისთვის, NDI-ს კვლევის თანახმად, გამოკითხულთა 72% მხარს ევროკავშირში, ხოლო 64% ნატო-ში გაწევრიანებას უჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი