2016-07-26 09:39:06, 649 ნახვა
პოლიტიკა
ჯანელიძე: არჩილ გეგეშიძე აშშ-ში საქართველოს ელჩის თანამდებობაზე რჩება
საგარეო საქმეთა მინისტრის მიხეილ ჯანელიძის განცხადებით, არჩილ გეგეშიძე ამერიკის შეერთებულ შტატებში საქართველოს ელჩის თანამდებობაზე მუშაობას აგრძელებს.
მინისტრის თქმით, ელჩმა თავის განცხადებასთან დაკავშირებით განმარტებები უკვე გააკეთა.
"ჩვენ ვისაუბრეთ. რა თქმა უნდა, ელჩს მეტი წინდახედულობა მართებს, როდესაც ასეთი ტიპის კომუნიკაცია ხდება, თუმცა თემატურად ყველა საკითხი ამოწურულია", - განაცხადა ჯანელიძემ.
ცნობისთვის, გეგეშიძემ რამდენიმე კვირის წინ განაცხადა, რომ პრორუსული ძალები არიან მმართველ გუნდში, რაც პლურალისტურ გარემოზე მიუთითებს.
პრეზიდენტმა გიორგი მარგველაშვილმა აღნიშნულ განცხადებას არაკომპეტენტური უწოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
