2016-07-14 22:08:36, 1503 ნახვა
მსოფლიო
დიდი ბრიტანეთი ევროკავშირს, სავარაუდოდ 2018 წლის ბოლოს დატოვებს
დიდი ბრიტანეთის ევროკავშირიდან გასვლის სავარაუდო თარიღად 2018 წლის ბოლო დასახელდა. ამის შესახებ ახლად დანიშნულმა სახელმწიფო მდივანმა დევიდ დევისმა განაცხადა, რომელიც დიდი ბრიტანეთის ევროკავშირიდან გასვლის საკითხს კურირებს.
მისი განცხადებით, ბრიტანეთმა პაუზა უნდა აიღოს, ვიდრე გასვლის შესახებ ოფიციალურ მოლაპარაკებებს დაიწყებს. დევისის თქმით, ეს შეიძლება მოხდეს მომავალი წლის დასრულებამდე ან დასაწყისში.
„მოლაპარაკებათა სტრატეგია უნდა იყოს სწორად გათვლილი და საჭიროა მანამდე სერიოზული კონსულტაციების გამართვა“, - განაცხადა დევისმა და დასძინა, რომ დიდი ბრიტანეთი ევროკავშირიდან ოფიციალურად შესაძლებელია, 2018 წლის ბოლოსთვის გავიდეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
