გუკა რჩეულიშვილი: ეს არის პოლიტიკური, უფრო სწორად საარჩევნო შოუ

2016-07-13 00:27:14, 1040 ნახვა

სამართალი

"ეს არის პოლიტიკური, უფრო სწორად საარჩევნო შოუ" - ამის შესახებ გუკა რჩეულიშვილმა დაკავებამდე რამდენიმე წუთით ადრე "რუსთავი 2-თან" ინტერვიუში განაცხადა.

რჩეულიშვილის თქმით, ყველაზე მეტი ინფორმაცია მას აქვს, ამიტომ მაია რჩეულიშვილი, ირაკლი მინდელი და განსაკუთრებით, სალომე ჩარკვიანი არაფერ შუაში არიან. რჩეულიშვილის განცხადებით, კანონი არის არაადეკვატური და ყველა სისტემა იმართება "საიდანღაც".

"ეს არის პოლიტიკური, უფრო სწორად საარჩევნო შოუ. ამ შოუს გამო სამი ადამიანი დაიჭირეს და მგონია რომ ეს ჩემ გამო მოხდა, თუ შოუ უნდათ ნახონ, ციხეში ჩაჯდომა ჩემთვის არ არის პრობლემა, უბრალოდ ის მწყინს, რომ ქვეყანაში კანონი არის არაადეკვატური და ყველა სისტემა საიდანღაც მართული.
პროკურატურამ ზუსტად იცის ის თანხდები სად არის, რომელ მშენებლობაზეა წასული და არავის რომ არ "დაუყაჭავს", უბრალოდ ეს ფარსია. ამ ამბებზე ყველაზე მეტი ინფორმაცია მე მაქვს, ხელიც მე მაქვს მოწერილი. მაია რა შუაშია ვერ ვხვდები, იურიდიულად პასუხისმგებელი მე ვიყავი ყველაფერზე და რა თქმა უნდა შეთანხმებული იყო მაიასთან, მაგრამ მე ვიღებდი გადაწყვეტილებას და არაფერ შუაშია არ არის არც მაია, არც ირაკლი მინდელი და სალომე ჩარკვიანი ხო საერთოდ სასაცილოა", - განაცხადა რჩეულიშვილმა.

ცნობისთვის, გუკა რჩეულიშვილი რამდენიმე წუთის წინ სამართალდამცველებმა დააკავეს, თუმცა, მისი თქმით, ის თავად აპირებდა ჩაბარებას.