აფხაზეთი გიგა ოთხოზორიას მკვლელობაში ეჭვმიტანილ მესაზღვრეს, რაშიდ ქანჯი-ოღლის საქართველოს არ გადასცემს, - ამის შესახებ სააგენტო "რია-ნოვოსტი" ოკუპირებული აფხაზეთის დეფაქტო პრეზიდენტზე რაულ ხაჯიმბაზე დაყრდნობით იუწყება.

როგორც ხაჯიმბამ აღნიშნა, მათ არ შეუძლიათ საკუთარი მოქალაქეების სხვა სახელმწიფოსთვის გადაცემა. 

“კანონისა და ჩვენი კონსტიტუციის მიხედით, ჩვენ არ შეგვიძლია საკუთარი მოქალაქეები სხვა სახელმწიფოს იურიდიქციას გადავცეთ”, - განაცხადა ხაჯიმბამ.

დეფაქტო პრეზიდენტის თქმით, მესაზღვრეს სასჯელი დაეკისრება, თუკი მკვლეობაში მის ბრალს დაამტკიცებენ.

“აღძრულია სისხლის სამართლის საქმე. მას შეუჩერდა უფლებამოსილება. თუკი მისი ბრალი დამტკიცდება, მას შესაბამისი სასჯელი დაეკისრება. ჩვენ გვაქვს შესაბამისი კანონები, რომლებიც ამის გაკეთების საშუალებას იძლევა”, - განაცხადა ხაჯიმბამ

შეგახსენებთ, რომ საქართველოს მოქალაქე გიგი ოთხოზორია 19 მაისს ზუგდიდის რაიონის სოფელ ხურჩაში მოკლეს. 23 ივნისს ოკუპირებული აფხაზეთის სამხედრო პროკურატურამ საქართველოს მოქალაქის გიგა ოთხოზორიას მკვლელობაში ბრალდებულ რაშიდ ქანჯი-ოღლის აღკვეთი ღონისძიების სახით შინაპატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა