ეუთო-ს საპარლამენტო ასამბლეის მიერ რეზოლუციის "კონფლიქტები საქართველოში" მიღება დიდი წარმატებაა და კმაყოფილი ვარ, რომ ეს რეზოლუცია გავიდა, - ამის შესახებ "ნაციონალური მოძრაობის" წევრმა გიგი წერეთელმა ჟურნალისტებს განუცხადა.

მისივე თქმით, ყველა პუნქტი დაცული იყო და ეუთო-ს საპარლამენტო ასამბლეა საქართველოში მაქსიმალურად იქნება წარმოდგენილი.

"ამ დოკუმენტის მიღება ძალიან ბევრს ნიშნავს საქართველოსთვის. გვექნება მეტი ყურადღება და მეტი ჩართულობა ეუთო-ს წარმოამდგენლობის მხრიდან. ეუთო გაცილებით მეტს გააკეთებს საქართველოსთვის, რომ ჩვენ უფრო მეტი შევძლოთ დეოკუპაციის, ანექსიის პრობლემების მოსაგვარებლად. ასევე, დევნილების დაბრუნება საქართველოში არის მთავარი თემა. ის რაც დღეს ხდება, ეს არის ეუთო-ს პრინციპების დარღვევა. სწორედ ამისთვის შეიქმნა აღნიშნული რეზოლუცია, რომელიც საქართველოს რეგიონებში პრობლემების მოგვარებას შეუწყობს ხელს", - განაცხადა გიგი წერეთელმა.

შეგახსენებთ, რომ ეუთო-ს საპარლამენტო ასამბლეამ, დავით უსუფაშვილის მიერ წარმოდგენილი რეზოლუცია "კონფლიქტები საქართველოში" მიიღო. რეზოლუციას მხარი რუსეთის ფედერაციამ არ დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა