|
2016-06-30 17:29:48, 559 ნახვა
საზოგადოება
არჩილ ხაბაძე ქობულეთის მუნიციპალიტეტის ტრადიციულ დღესასწაულს დაესწრო
აჭარის მთავრობის თავჯდომარე არჩილ ხაბაძე ქობულეთის მუნიციპალიტეტის ტრადიციულ დღესასწაულს დაესწრო. ტრადიციული ღონისძიების აღნიშვნა რამდენიმე წლის წინ შეწყდა, თუმცა დღეს უკვე განახლებული სახით ტარდება და მასში მუნიციპალიტეტის ყველა თემია ჩართული. დღესასწაული ქობულეთის განახლებულ ზღვისპირა პარკში გაიმართა და მას აჭარის საკანონმდებლო და აღმასრულებელი ხელისუფლების წარმომადგენლების გარდა დამეგობრებული ქალაქების დელეგაციები, მეგობარი ქვეყნებიდან მოწვეული ჟურნალისტები და ტურკომპანიების წარმომადგენლები დაესწრნენ. ღონისძიების ფარგლებში გაიმართა ავტორალი ჩოლოქის ხიდიდან ქალაქის ცენტრალურ მოედნამდე. მოგვიანებით კი ფლეშმობი ქალაქის ცენტრალურ მოედანზე. ქალაქის ცენტრალური მოედნიდან ზღვისპირა პარკამდე მოეწყო მსვლელობა ღია ავტობუსებითა და ავტორალის მანქანებით. ღონისძიების ორგანიზატორებმა სურპრიზი მოუწყვეს ბავშვებსაც და მათთვის საბავშვო კონცერტი დაიგეგმა, რომლის შემდეგაც ისინი ზღაპრის გმირებისა და მასხარების კოსტუმირებულ შოუში ჩაერთვნენ. იქვე მოიხატა ასფალტი. არჩილ ხაბაძემ და მოწვეულმა სტუმრებმა ზღვისპირა პარკში შადრევნის მიმდებარე ტერიტორიაზე ადგილობრივ მეწარმეთა პროდუქციის, სასტუმროებისა და რესტორნების საგამოფენო სივრცეს დაათვალიერეს და ადგილობრივი კერძები დააგემოვნეს. ზღვისპიარა პარკში ასევე მხატვრის სახლმა ადგილობრივი მხატვრების ნამუშევრების გამოფენა გამართა. საღამოს კი ზღვისპირა პარკის მოპირდაპირედ პარაპლანისტებისა და სერფინგისტების შოუ გაიმართება. პარალელურად ზღვისპირა პარკის ამფითეატრში ადგილობრივი ფოლკლორული ანსამბლების მონაწილეობით კონცერტი გაიმართება. მოეწყობა სპორტული სანახაობები, იქვე გამოიფინება ქობულეთელ ჩემპიონთა ფოტოები. მოგვიანებით აჭარის მთავრობის თავმჯდომარე მოწვეულ სტუმრებთან და ადგილობრივი ხელისუფლების წარმომადგენლებთან ერთად სოფლის პროდუქციისა და ადგილობრივი კულინარიული ნაწარმის გამოფენას მოინახულებენ და ღვინის სახლს დაათვალიერებენ. ქობულეთობის ფინალი იქნება გალა კონცერტი ქალაქის კულტურისა და ხელოვნების ცენტრში ადგილობრივი ანსამბლებისა და ინდივიდუალური შემსრულებლების მონაწილეობით.
ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ
მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული
პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა
გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)