ფინანსთა მინისტრმა, ნოდარ ხადურმა ახალგაზრდებს, რომლებმაც „საჯარო დაწესებულებაში სტაჟირების გავლის წესისა და პირობების შესახებ" სახელმწიფო პროგრამის ფარგლებში, წარმატებით გაიარეს სტაჟირება სამინისტროს ცენტრალურ აპარატში, სახაზინო სამსახურსა და ფინანსთა სამინისტროს მომსახურების სააგენტოში, სერტიფიკატები გადასცა.

მინისტრმა ახალგაზრდებს მადლობა გადაუხადა სტაჟირების პროცესში გამოჩენილი მონდომებისთვის და იმედი გამოთქვა, რომ ფინანსთა სამინისტროში მიღებული ცოდნა, მათ გამოადგებათ შემდგომ საქმიანობაში.

მისი განცხადებით, მნიშვნელოვანია, რომ ამ ახალგაზრდების სახით, რომლებსაც მიღებული ექნებათ შესაბამისი გამოცდილება, ქვეყანას კვალიფიციური კადრები ეყოლება.

„საჯარო დაწესებულებაში სტაჟირების გავლის წესისა და პირობების შესახებ" სახელმწიფო პროგრამის დამტკიცების თაობაზე" საქართველოს მთავრობის 2014 წლის 18 ივნისის №410 დადგენილებით დამტკიცებული წესის შესაბამისად, საქართველოს ფინანსთა სამინისტრომ მიიღო სტაჟიორთა 4 ნაკადი.

სამინისტროს სისტემის მასშტაბით, სულ, სტაჟირება გაიარა 389 სტაჟიორმა. 2016 წლის მაისიდან, ფინანსთა სამინისტროს სისტემაში დაიწყო სტაჟირების პროგრამის მე-4 ნაკადი, რომლის ფარგლებში, სტაჟირება წარმატებით დაასრულა 58 ახალგაზრდამ, ხოლო პროგრამის გავლას განაგრძობს 17 სტაჟიორი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი