2016-06-22 15:56:50, 959 ნახვა
სამართალი
ივანიშვილი კიწმარიშვილის საქმეზე: პროკურატურამ გადაწყვიტა, რომ ეს არის თვითმკვლელობა, ვწუხვარ და სამძიმარს ვუცხადებ ოჯახს
საქართველოს ყოფილი პრემიერ-მინისტრი ბიძინა ივანიშვილი პროკურატურის მიერ ეროსი კიწმარიშვილის საქმეზე გამოძიების შეწყვეტას ეხმაურება.
„პროკურატურამ გადაწყვიტა, რომ ეს არის თვითმკვლელობა, მწუხარებას გამოვთქვამ და სამძიმარს ვუცხადებ ოჯახს. სხვა სათქმელი არ მაქვს“, - განაცხადა ბიძინა ივანიშვილმა.
გამოძიების ინფორმაციით, ეროსი კიწმარიშვილი მიზანმიმართულად თვითმკვლელობამდე არავის მიუყვანია და არავის მოუკლავს, არამედ მან თავი მოიკლა.
"კონკრეტული გარემოებების არსებობის მხედველობაში მიღებით შეუძლებელია მკვლელობა იყოს ჩადენილი რომელიმე სხვა პირის მიერ",-აღნიშნავენ პროკურატურაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
