"ჩვენი ინფორმაციით, მოსამართლე ნათია გუჯაბიძე თაღლითობისთვის იდევნება" - ამის შესახებ "რუსთავი 2-ის" გენერალურმა დირექტორმა ნიკა გვარამიამ ტელეკომპანიის საქმის ერთ-ერთ მოსამართლესთან დაკავშირებით არსებულ ახალ გარემოებებზე საუბრობრისას საგანგებო ბრიფინგზე განაცხადა. 

მისი განცხადებით, მოსამართლე ნათია გუჯაბიძეს 2014 წელს გამოეყო სახელმწიფოს მხრიდან სახსრები იმ მოტივით, რომ მას არ ჰქონდა საცხოვრებელი თბილისში და სამოსამართლო საქმის განხორციელებისთვის ჭირდებოდა ანაზრაურება. გვარამიას განცხადებით, მოგვიანებით აღმოჩნდა რომ მას [ნათია გუჯაბიძეს] ეს სახლი ჰქონდა და ბინას ქირაობდა საკუთარი დედისგან. 

"მაშინდელმა იუსტიციის საბჭოს ხელმძღვანელმა და უზენაესი სასამართლოს მაშინდელმა თავმჯდომარემ ბატონმა კუბლაშვილმა ჩვენი ინფორმაციით, რომელიც კონფიდენციალურ წყაროს ემყარება, მოითხოვა საქმის პროკურატურაში გადაცემა. თუმცა ახლად დანიშნულმა იუსტიციის საბჭოს წევრებმა ამას ცხადია მხარი არ დაუჭირეს, ვინაიდან ქალბატონი გუჯაბიძე ყოველთვის ასოცირდებოდა წულუკიანის გუნდთან და ძაღლმა ძაღლის ტყავი არ დახია. უფრო მეტიც არა თუ პროკურატურაში გადაგზავნაზე ეთქვათ უარი, არამედ სადისციპლინო დევნის ნაწილშიც უარი ითქვა და სადისციპლინო კოლეგიას არ გაეგზავნა ეს საქმე როგორც სამოსამართლეო ეთიკის დარღვევაც კი  და ნათია გუჯაბიძეს აკმარეს მხოლოდ სარეკომენდაციო ბარათი, რითიც დგინდება , რომ დადასტურებულად ჩაითვალა რომ ეს ქალბატონი გუჯაბიძე როგორც მინიმუმ ცრუობდა. მაგრამ სამართლებრივად თუ ვიტყვით თაღლითობდა და ფლანგავდა სახელმწიფო ქონებას.

ჩვენი ინფორმაციით, საქართველოს პროკურატურა ფლობს ამ ინფორმაციას და ამ ინფორმაციით მიმდინარეობს ზეწოლა ქალბატონ გუჯაბიძეზე.

მე მოვუწოდებ იუსტიციის უმაღლეს საბჭოს, გაასაჯაროოს ამ წარმოების ყველა მასალა იმიტომ, რომ საზოგადოებრივი ინტერესი არის ძალიან მაღალი. რუსთვი 2 წინააღმდეგია მისი საქმე განიხილოს თაღლითობაში ბრალდებულმა მოსამართლემ, უფრო სწორედ თაღლითობაში შემჩნეულმა მოსამართლემ, იურიდიულ ტერმინებში , რომ კორექტულები ვიყოთ , იმიტომ, რომ ის განსაკუთრებულად მოწყვლადიც არის ამავდროულად, გარდა იმისა, რომ როგორც აღმოჩნდა თაღლითია,“-აცხადებს ნიკა გვარამია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი