შრომის, ჯანმრთელობისა და სოციალური დაცვის მინისტრმა  დავით სერგეენკომ მთავრობის დღევანდელ სხდომაზე პროფესიული მომზადება-გადამზადების კვალიფიკაცის ამაღლების სახელმწიფო პროგრამასთან დაკავშირებით ისაუბრა.

სერგეენკოს მტკიცებით, პროგრამას უდიდესი შესაძლებლობები აქვს და ის ძალიან მაღალი წარმატების პროექტი იქნება.

„მოგახსენებთ, რომ ეს სახელმწიფო პროგრამა თავისი შინაარსით, მიუხედავად იმისა, რომ ჯანდაცვის სამინისტროს გამოაქვს, მოიცავს სახელმწიფო უწყებების მრავალმხრივ ჩართულობას. მას ახასიათებას რამდენიმე საკვანძო საკითხი. პირველი ის, რომ არ არის უბრალოდ შუამავლობა დამსაქმებელსა და სამუშაოს მაძიებელს შორის, არამედ ეს არის კერძო სახელმწიფო თანამშრომლობაზე, პარტნიორობაზე დაფუძნებული მოდელი, რომელიც მოიცავს მნიშვნელოვან ფაქტორებს.

ერთ-ერთი მათგანია, რომ პოტენციური დამსაქმებელი აქტიურ მონაწილეობას ღებულობს კადრების გადამზადებაში, მათი სასწავლო ცენტრების საშუალებით. თუმცა, რა თქმა უნდა, სახწელმწიფოც ჩართულია ამაში. მათ საშუალება ექნებათ, რომ სტაჟირებაზე მისცენ ასევე გადამზადების შემდეგ, დასაქმების საშუალება. ჩვენი შეფასებით, ეს იქნება ძალიან მაღალი წარმატების პროექტი, რომელსაც შესაძლებლობები ექნება და ეს პროექტი თავისი შინაარსით ცალსახად თანხვედრაშია მთავრობის 4 სტრატეგიულ რეფორმასთან“,- განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა მელია - ცილისმწამებლებთან აღარაფერი გაკავშირებს

ბოჭორიშვილი ჰერჩინსკიზე: ქართველი ხალხის ნება გამოხატულია საქართველოს ხელისუფლების არჩევანში

რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში

გახარია საქართველოსთვის: ოპოზიციური ალიანსი „ოცნების“ პოლიტიკას უწყობს ხელს