Fitch Ratings-მა „ლიბერთი ბანკს“ გრძელვადიანი საკრედიტო რეიტინგი (Issuers Default Rating) B დან B+ მდე გაუზარდა, ხოლო მოკლე ვადიანი საკრედიტო რეიტინგი B ზე, სტაბილური პროგნოზით დაუდასტურა.

FitchRatings-ის განცხადებით, „ლიბერთი ბანკს“ რეიტინგი მომგებიანობის გაუმჯობესების გამო გაეზარდა, რადგან ბანკმა, არასახარბიელო გარემო ფაქტორების მიუხედავად, ადეკვატური კაპიტალიზაციის და აქტივების ხარისხის ჯანსაღი მაჩვენებლების შენარჩუნება შეძლო.

ცოტა ხნის წინ, ბანკმა 2016 წლის პირველი კვარტლის ფინანსური შედეგები გამოაქვეყნა, საიდანაც ნათლად ჩანს რომ ბანკი მაღალ მომგებიანობას ინარჩუნებს (წმინდა მოგება - 7.8 მილიონი ლარი, ROAE – 23.05% გაწლიურებული, ROAA – 2.03% გაწლიურებული).

„ლიბერთი ბანკის საკრედიტო რეიტინგის გაუმჯობესება გამოწვეულია ბანკის მომგებიანობის მაღალი მაჩვენებლის შენარჩუნებით და მაღალი საზედამხედველო კაპიტალის ბუფერით. სანდო, გლობალური ინსტიტუტის მიერ საკრედიტო რეიტინგის გაზრდა სრულ თანხვედრაშია ბანკის ფინანსურ შედეგებთან“, - აღნიშნა „ლიბერთი ბანკის“ გენერალურმა დირექტორმა ალექსი ხოროშვილმა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა