2016-05-12 10:00:35, 584 ნახვა

---

პარლამენტი დღეს პრეზიდენტის მიერ უზენაესი სასამართლოს წევრებად წარდგენილ კანდიდატებზე იმსჯელებს

საქართველოს პარლამენტი დღეს პლენარულ სხდომაზე პრეზიდენტის მიერ უზენაესი სასამართლოს წევრებად წარდგენილ ანა დოლიძის, თამარ ლალიაშვილის, ნონა თოდუას არჩევის საკითხს განიხილავს.

როგორც "ექსპრესნიუსს" პრეზიდენტის ადმინისტრაციიდან აცნობეს, კანდიდატებს კენჭი შესაძლოა დღესვე უყარონ. უზენაესი სასამართლოს მოსამართლეობის კანდიდატების დასამტკიცებლად დეპუტატთა 76 ხმაა საჭირო. 

საქართველოს უზენაესი სასამართლოს წევრობის კანდიდატებს პარლამენტის პლენარულ სხდომაზე საქართველოს პრეზიდენტის ადმინისტრაციის უფროსი გიორგი აბაშიშვილი წარადგენს.

შეგახსენებთ, რომ ანა დოლიძის, თამარ ლალიაშვილის და ნანა თოდუას კანდიდატურები პარლამენტის კომიტეტებმა დაახლოებით 2 თვის წინ განიხილეს, თუმცა მათი პლენარულ სხდომაზე გატანა ამ დრომდე არ მომხდარა. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი