ევროკავშირის საბჭო საქართველოს ვიზალიბერალიზაციის საკითხს 20 მაისს განიხილავს

2016-05-10 16:45:05, 566 ნახვა

პოლიტიკა

ევროკავშირის საბჭო საქართველოსთვის სავიზო რეჟიმის გაუქმების საკანონმდებლო ინიციატივას 20 მაისს განიხილავს. აღსანიშნავია, რომ საქართველოს ვიზალიბერალიზაციის საკითხის განხილვა ევროკავშირის იუსტიციისა და შინაგან საქმეთა მინისტრების შეხვედრაზე იგეგმება.

ცნობისთვის, ევროკომისიამ საქართველოს მოქალაქეებისათვის სავიზო რეჟიმის გაუქმების საკანონმდებლო ინიციატივა ევროკავშირის საბჭოსა და ევროპარლამენტს მარტში წარუდგინა.

ამჟამად ინიციატივას ევროპარლამენტის სამოქალაქო თავისუფლების, მართლმსაჯულებისა და საშინაო საქმეთა კომიტეტი განიხილავს. კომიტეტის მიერ სავიზო რეჟიმის გაუქმების წინადადების მხარდაჭერის შემთხვევაში, საკითხს პლენარულ სესიაზე უყრიან კენჭს. ამის შემდეგ საკანონმდებლო ინიციატივა ევროკავშირის საბჭომ უნდა დაამტკიცოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან