არასწორია, როდესაც მოსამართლეთა განწესებაზე მსჯელობა მიმდინარეობს არა კანდიდატების კვალიფიკაციით, არამედ კულუარული გარიგებების მოთხოვნით, - ამის შესახებ თავდაცვის მინისტრის მოადგილემ, უზენაესი სასამართლოს მოსამართლეობის კანდიდატმა ანა დოლიძემ დღეს გამართულ პრესკონფერენციაზე განაცხადა.

მისი თქმით, რამდენიმე თვეა პარალმეტში, უზენაესი სასამართლოს მოსამართლეობის კანდიდატურების განხილვა მიმდინარეობს.

“გუშინ პარლამენტის წევრების გაკეთებულმა განცხადებებმა, მოსამართლეთა განწესების საკითხი ჩვენი აზრით, არასწორი მიმართულებით წაიყვანეს. არასწორია, როდესაც მოსამართლეთა განწესებაზე მსჯელობა მიმდინარეობს არა კანდიდატურების კვალიფიკაციით და არა სხვა აღიარებული მეთოდებით, არამედ კულუარული გარიგებების მოთხოვნით. საკითხის ამგვარად დაყენება შეურაცხყოფას აყენებს მოსამართლის მაღალ სტატუს და სამართლიანი სასამართლოს იდეას. კულუარული გარიგებები ვერ გადაწყვეტს სასამართლოს წინაშე მდგარ პრობლემებს, მოგეხსენებათ საზოგადოება სამართლიანი მართლმსაჯულების მოლოდინშია”, - განაცხადა ანა დოლიძემ.

უზენაესი სასამართლოს მოსამართლეობის კანდიდატი იმედოვნებს, რომ ქართველი ხალხის არჩეული პარლამენტი გადაწყვეტილებას მიიღებს თითოეული კანდიდატის ცოდნის, განათლების, კვალიფიკაციის და დამოუკიდებლობის ხარისხის მიხედვით.

შეგახსენებთ, რომ საპარლამენტო უმრავლესობის წარმომადგენლებმა გუშინ გააკეთეს განცხადება, რომ მოსამართლეთა კანდიდატურებზე კონსულტაციები უნდა გაიმართოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა