მაკა ასათიანმა მაესტროს 25%-იანი წილი ნიდერლანდებში დარეგისტრირებულ თავისივე კომპანიას გადაუფორმა

2016-05-05 18:10:56, 620 ნახვა

პოლიტიკა

მაკა ასათიანმა ტელეკომპანია „მაესტროში“ თავისი 25%-იანი წილი ნიდერლანდებში დარეგისტრირებულ კომპანიაზე ”მედია ფინანს გრუპს” გადააფორმა.

როგორც მაკა ასათიანის ადვოკატმა, გიორგი გვენეტაძემ განუმარტა, წილი კომპანია „მედია ფინანს გრუპზე“ გადაფორმდა, რომლის 100%-ის მფლობელი თავად მაკა ასათიანია. მისივე თქმით, ასათიანს ტელეკომპანია ”მაესტროში” საკუთარი წილი არ გაუყიდია.

ამასთან, ადვოკატი აცხადებს, რომ წილის გადაფორმება არ უკავშირდება „მაესტროს“ გარშემო ბოლო დროს მიმდინარე პროცესებს.

მისივე თქმით, წილის გაყიდვასთან დაკავშირებით არანაირი მოლაპარაკებები არ მიმდინარეობს.

ცნობისთვის, საჯარო რეესტრის ვებგვერდზე ამ დროისთვის არსებული მონაცემებით, შპს ”სტუდია მაესტროს” წილების მფლობელები შემდეგნაირად ნაწილდება - 15%- მამუკა ღლონტი, 5% - ეკატერინე აკობია, 55%- გიორგი გაჩეჩილაძე და 25% - ”მედია ფინანს გრუპ ბი.ვი”, ნიდერლანდები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან