“ვითიბი ბანკის” მხარდაჭერით, ჯანსუღ კახიძის სახელობის თბილისის მუსიკალურ-კულტურულ ცენტრში დღეს ვლადიმერ სპივაკოვის და ორკესტრ „მოსკოვის ვირტუოზების“ კონცერტი გაიმართება.

გამოჩენილმა მევიოლინემ და დირიჟორმა ვლადიმერ სპივაკოვმა თანამოაზრე მუსიკოსებთან ერთად 1979 წელს შექმნა კამერული ორკესტრი „მოსკოვის ვირტუოზები“, რომლის შეუცვლელ სამხატვრო ხელმძღვანელად, დირიჟორად და სოლისტად გვევლინება. ვლადიმერ სპივაკოვი გამოდის მსოფლიოს ყველაზე პრესტიჟულ საკონცერტო დარბაზებში და დირიჟორობს ისეთ ევროპულ და ამერიკულ ორკესტრებს როგორიცაა: ლონდონის, ჩიკაგოს, ფილადელფიის, კლივლენდის, ბუდაპეშტის, „ლა სკალას“ და სხვა სიმფონიურ ორკესტრებს. 

თბილისში გამართულ კონცერტზე გაჟღერდება: მოცარტის, ჰაიდნის, შოსტაკოვიჩის, ბოკერინის და პიაცოლას მუსიკალური ნაწარმოებები.

2006 წელს ვლადიმერ სპივაკოვს მიენიჭა იუნესკოს მშვიდობის არტისტის წოდება, 2009 წელს მას გადაეცა იუნესკოს მოცარტის ოქროს მედალი. 1997 წლიდან სპივაკოვი უკრავს ანტონიო სტრადივარის მიერ შექმნილ ვიოლინოზე, რომელიც მას მეცენატებმა - მისი ნიჭის თაყვანისმცემლებმა უსახსოვრეს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა