2016-04-25 19:28:16, 582 ნახვა

---

„არ გვჭირდება პოლიცია, რომლის დანახვაც გვაშინებს“, - „აუდიტორია 115“ მსვლელობით სუს-ის შენობასთან მივიდა

 „აუდიტორია 115“-ის წევრებმა უნივერსიტეტიდან სუს-ის შენობის მიმართულებით მსხვლელობა დაიწყეს

„ავტონომია უნივერსიტეტს“, „არა პოლიტიკურ რეჟიმს“, „სისტემა უნდა დაინგრეს“, „უშიშროება საშიშროებაა“, - ასეთი სლოგანებით მივიდნენ „აუდტორია 115“-ის წარმომადგენლები სახელმწიფო უსაფრთხოების სამსახურის შენობასთან.

იქამდე სტუდენტებმა შეკრება თსუ-ს პირველ კორპუსში დაიწყეს და მსვლელობით სუს-ის შენობასთან გადაინაცვლეს.

სტუდენტების თქმით, ეს აქცია არა მხოლოდ თსუ-ს სტუდენტებს, არამედ ყველა სტუდენტს ეხება.

„ჩვენ არ გვჭირდება სახელმწიფო, რომელიც გვატერორებს. ჩვენ არ გვჭირდება პოლიცია, რომლის დანახვაც გვაშინებს.

„აუდიტორია 115“-ის აქცია-მსვლელობაში თსუ-ს დაახლოებით 50-მდე სტუდენტმა მიიღო მონაწილეობა.

უსაფრთხოების დაცვის მიზნით, სტუდენტების აქცია-მსვლელობას საპატრულო პოლიციის სამი ეკიპაჟი აკონტროლებს, ეკიპაჟები ჯერ მსვლელობას მიჰყვებოდა, ახლა კი სუს-ის შენობასთან იმყოფება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი