მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველმა მოადგილემ არჩილ ყარაულაშვილმა ნატოს შემფასებელთა ჯგუფთან შეხვედრა გამართა.

შემფასებელთა ჯგუფი  საქართველოს  ეწვია თავდაცვის დაგეგმვისა და მიმოხილვის პროცესის ფარგლებში, არსებული პარტნიორობის მიზნების გადახედვასა და განახლების თაობაზე კონსულტაციების წარმართვის მიზნით.

ნატო-ს შემფასებელთა ჯგუფს, ნატოს საერთაშორისო სამსახურის თავდაცვის პოლიტიკისა და დაგეგმვის ერთეულის ძალთა დაგეგმვის დირექტორატის უფროსი, პოლ სავერო ხელმძღვანელობდა.

შეხვედრაზე ნატოს შემფასებელთა ჯგუფმა მტკიცე მხარდაჭერა გამოხატა საქართველოს ევროატლანტიკური მისწრაფებების მიმართ. ყურადღება გაამახვილა თავდაცვის სფეროში მიმდინარე რეფორმების ამბიციურობასა და მათი განხორციელების მნიშვნელობაზე და ამ პროცესში, ქართულ მხარეს ნატოს სრული მხარდაჭერა აღუთქვა. ამასთანავე, მხარეებმა განიხილეს საქართველოს ევროატლანტიკური ინტეგრაციის პროცესი, ნატოს ვარშავის სამიტისთვის მზადების მიმდინარეობა და მოლოდინები, ასევე, სტრატეგიული კომუნიკაციის განვითარებასთან დაკავშირებული საკითხები. 

თავის მხრივ, არჩილ ყარაულაშვილმა ვრცლად ისაუბრა საქართველოს ნატოში ინტეგრაციის მექანიზმების - ნატო-საქართველოს კომისიის, წლიური ეროვნული პროგრამისა და არსებითი პაკეტის ეფექტიანად გამოყენების თაობაზე,  ზოგადად მიმოიხილა წლიური ეროვნული პროგრამის ფარგლებში განხორციელებული და მიმდინარე რეფორმები, ასევე, რეგიონში და საქართველოს ოკუპირებულ ტერიტორიებთან მიმართებით არსებული უსაფრთხოების გამოწვევები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიათა ქსელებს 30 000 ლარამდე ფინანსური ზარალი მიაყენეს - დაკავებულია 6 არასრულწლოვანი

შსს: მესტიაში დამატებით 17 ე.წ. მაინერი ამოვიღეთ - 3 დღეში ჯამში ამოღებულია 212

უკრაინულმა დრონებმა პეტერბურგი დაბომბეს, დააზიანეს წყალქვეშა იარაღის წარმოების მთავარი ინსტიტუტი

NBC News: პენტაგონმა ისრაელის მხრიდან კონტრდაზვერვის საფრთხის დონე უმაღლესამდე გაზარდა