2016-04-12 10:49:02, 861 ნახვა
სამართალი
"სამართალი ითხოვს" - არასამთავრობო სექტორი ახალ კამპანიას იწყებს
არასამთავრობო ორგანიზაციათა კოალიცია "დამოუკიდებელი და თავისუფალი მართლმსაჯულებისთვის" დღეიდან ახალ კამპანიას იწყებს. კამპანიის სახელწოდებაა "სამართალი ითხოვს".
სამოქალაქო სექტორი სასამართლო სისტემაში არსებულ ხარვეზებს აპროტესტებს.
კოალიციას სამი ძირითადი მოთხოვნა აქვს: შეიცვალოს მოსამართლეთა დანიშვნის წესი; დაჩქარდეს საქმეთა ელექტრონული განაწილება სასამართლოებში; მოსამართლის მიმართ დისციპლინური სამართალწარმოების შემთხვევაში, ყველაფერი გამჭვირვალე იყოს.
ახალი კამპანიის პრეზენტაციას სამოქალაქო სექტორის წარმომადგენლებთან ერთად, დაესწრებიან მთავრობის წარმომადგენლები და კანონმდებლები. კონკრეტული ქმედებები უკვე მოგვიანებით გაიწერება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
