პატიმრობაში მყოფი ერთიანობა - ნაციონალური მოძრაობის ერთ-ერთი ლიდერი ლევან ხაბეიშვილი ციხიდან წერილს აქვეყნებს.

წერილში ლევან ხაბეიშვილი მასზე განხორციელებული ძალადობის ორგანიზატორებად გდდ-ის ყოფილ ხელმძღვანელს ზვიად ხარაზიშვილს, იგივე ხარებას და თბილისის პოლიციის უფროსს გოგა მემანიშვილს ასახელებს.

ამასთან, აღნიშნავს, რომ ძალადობას "მწვანე შუქი" ბიძინა ივანიშვილმა, ირაკლი კობახიძემ და მამუკა მდინარაძემ აუნთეს.

წერილი სრულად:

"გამოძიებობანას, სახლობანას თამაშობენ. 2 წელი გავიდა და თურმე ახლა ნახე სიზმარში, რომ წამებას, გატაცებას ჰქონდა ადგილი. 2 წელი ეძინათ. ამ 2 წელშიც „ორი ლიფსიტა“ დაიჭირეს და „ბობოლებს“ ხელს აფარებენ. ხარება და გოგა მემანიშვილი არიან პირველ რიგში დასაჭერი და შემდეგ ვინც მათ მწვანე აუნთო! მაშინ მათ ეს მწვანე მისცა ივანიშვილმა, პრემიერმა კობახიძემ და მდინარაძემ. ამ მწვანე შუქის შუაში ასევე არიან მაშინდელი სუსის უფროსი ლილუაშვილი და შსს მინისტრი გომელაური. თუ ამათი პასუხისმგებლობა არ დგება, აბა ვის აინტერესებს უსახელო და უგვარო ვიღაც ბაღლინჯოები?! ამ წამებას ჰყავდა ერთი მთავარი ორგანიზატორი და ეს არის ივანიშვილისმწამებელი სისტემა. 300-მდე ადამიანი აწამეს და 5 თუნდაც 10 ლიფსიტის დაკავებით უნდათ ფონს გასვლა. მე მაინტერესებს სისტემის შემოქმედები და ესენი არიან ივანიშვილი - კობახიძე. გთხოვთ გაიხადეთ სმოკინგები, დაწვით ეგ „კოსტუმები!“ დაიჭირეთ ხელში რუპორი და არ დანებდეთ ივანიშვილის რეჟიმს. ტელე-კომენტატორებმა, მოექსპერტო პოლიტიკოსებმა, უკვე თავი მოაბეზრეს ყველას. აქტიურობა და პრესინგია საჭირო. მწამებელი, სამშობლოს მოღალატე რეჟიმის დამარცხება შესაძლებელია ბრძოლით და არა „დაველოდოთ“ სტრატეგიით. ღმერთმა დალოცოს საქართველო", - ვკითხულობთ წერილში. 

ავტორი: ექსპრესნიუსი,

სოციალური ქსელები

საქართველოში სოფლის ოჯახების რაოდენობა ათი წლის განმავლობაში ერთი მეოთხედით შემცირდა

ჯგუფური ძალადობა გარდაბანში - ორმა პირმა თანასოფლელი სცემა

რეჟიმმა Facebook-ზე პოსტის გამო ჟურნალისტ ვახო სანაიას 14 დღით პატიმრობა მიუსაჯა

ირაკლი კობახიძე სინგაპურის პრემიერ-მინისტრს, ლოურენს ვონგს შეხვდა