ევროკომისიის (EC) პრესსპიკერმა მარკუს ლამერტმა კომენტარი გააკეთა საქართველოს მთავრობისა და ბრიუსელის წარმომადგენლებს შორის 11 ივნისს დაგეგმილ შეხვედრაზე, რომელიც ეხებოდა საქართველოს მოქალაქეებისთვის უვიზო მიმოსვლას.

მან გაიხსენა, რომ 2026 წლის მარტში ევროკომისიამ ერთი წლით შეაჩერა უვიზო მიმოსვლა დიპლომატიური და სამსახურებრივი პასპორტების მფლობელ საქართველოს მოქალაქეებისთვის.

ლამერტმა განმარტა, რომ როდესაც უვიზო მიმოსვლის შესახებ შეთანხმება შეჩერებულია, ევროკომისია იწყებს პროცესს, რომელსაც „ინტენსიური დიალოგი“ ეწოდება შესაბამის მესამე ქვეყანასთან.

„მისი მიზანია იმ გარემოებების მოგვარება, რამაც შეჩერება გამოიწვია. ამ კონტექსტში, ევროკომისიასა და საქართველოს ოფიციალური წარმომადგენლების დელეგაციას შორის პირველი შეხვედრა 11 ივნისს გაიმართება. სწორედ ამაზე იქნება საუბარი შეხვედრაზე“, - განმარტა ევროკავშირის წარმომადგენელმა.

ლამერტმა აღნიშნა, რომ ევროკომისია საქართველოს ხელისუფლების ქმედებებს იმ პრინციპების ძირის გამოთხრად მიიჩნევს, რომლებზეც ვიზალიბერალიზაციაა დაფუძნებული. მან ხაზგასმით აღნიშნა, რომ ეს პრინციპები მოიცავს ადამიანის უფლებებისა და დემოკრატიული პრინციპების პატივისცემას.

„ეს ქმედებები შეუთავსებელია ევროკავშირის ნორმებსა და ღირებულებებთან და ხელს უშლის ევროკავშირსა და საქართველოს შორის ეკონომიკური, ჰუმანიტარული, კულტურული, სამეცნიერო და სხვა კავშირების სტაბილურ განვითარებას“, - განაცხადა ლამერტმა.

ავტორი: ექსპრესნიუსი,

სოციალური ქსელები

საქართველოში სოფლის ოჯახების რაოდენობა ათი წლის განმავლობაში ერთი მეოთხედით შემცირდა

ჯგუფური ძალადობა გარდაბანში - ორმა პირმა თანასოფლელი სცემა

რეჟიმმა Facebook-ზე პოსტის გამო ჟურნალისტ ვახო სანაიას 14 დღით პატიმრობა მიუსაჯა

ირაკლი კობახიძე სინგაპურის პრემიერ-მინისტრს, ლოურენს ვონგს შეხვდა