ევრონიუსის ცნობით, ევროკომისიამ რუსეთის მოქალაქეებისთვის ვიზების გაცემის წესების გამკაცრების პირობა დადო მას შემდეგ, რაც 11 ევროპული ქვეყნის ჯგუფმა ევროკავშირის რამდენიმე წევრი სახელმწიფო რუსი ტურისტების მიღებასთან დაკავშირებით ზედმეტად ლმობიერებაში დაადანაშაულა.

პეტიციის ინიციატორები იყვნენ შვედეთი, პოლონეთი, ლიეტუვა, ლატვია, ესტონეთი, ფინეთი, დანია, ნიდერლანდები, ჩეხეთი, ასევე ისლანდია და ნორვეგია, რომლებიც შენგენის ზონის წევრები არიან.

ერთობლივ წერილში მათ უკმაყოფილება გამოთქვეს იმ განსხვავებული გზებით, რომლითაც ევროკავშირის სხვადასხვა ქვეყანა უკრაინაში ომის დაწყების შემდეგ შემოღებულ შეზღუდვებს იყენებს.

დოკუმენტის ავტორებმა განაცხადეს, რომ ამჟამინდელმა პრაქტიკამ ევროკავშირის ვიზების პოლიტიკის „ფრაგმენტაცია“ გამოიწვია და ბლოკის ერთიანობას ძირს უთხრის.

„ფრაგმენტაცია ასუსტებს ჩვენს ბერკეტებს, ძირს უთხრის საზოგადოების ნდობას და ქმნის ურთიერთსაწინააღმდეგო სიგნალების გაგზავნის რისკს იმ დროს, როდესაც სიცხადე და გადამწყვეტი მოქმედებაა საჭირო“, - ნათქვამია წერილში.

განსაკუთრებული კრიტიკა გამოიწვია საფრანგეთის, იტალიისა და ესპანეთის პოლიტიკამ, რომლებიც ევროპაში რუსი ტურისტების მთავარ დანიშნულების ადგილებად რჩებიან.

2025 წლის სტატისტიკის მიხედვით, საფრანგეთმა რუსეთის მოქალაქეებზე თითქმის 180 000 შენგენის ვიზა გასცა, რაც წინა წელთან შედარებით მნიშვნელოვანი ზრდაა. იტალიამ დაახლოებით 160 000 ვიზა გასცა, ესპანეთმა კი თითქმის 100 000.

მიმართვის ავტორები ამ სიტუაციას პრობლემურად მიიჩნევენ უკრაინაში მიმდინარე კონფლიქტის გათვალისწინებით.

„ძალიან შემაშფოთებელია, რომ სულ უფრო მეტი რუსი ტურისტი ისვენებს ევროპის პლაჟებსა და კურორტებზე, მაშინ როცა რაკეტები და დრონები აგრძელებენ უკრაინაში მშვიდობიან მოსახლეობასა და სამოქალაქო ინფრასტრუქტურაზე თავდასხმას“, - ნათქვამია დოკუმენტში.

საპასუხოდ, ევროკომისიამ განაცხადა, რომ ის უკვე მუშაობს ახალ შემზღუდავ ზომებზე. მიგრაციის საკითხებში კომისარმა მარკუს ლამერტმა განაცხადა, რომ ბრიუსელი მომავალ წელს ვიზების კოდექსის გადახედვის ფარგლებში რუსეთის მოქალაქეებისთვის დამატებით მიზნობრივ შეზღუდვებს შესთავაზებს.

მისი თქმით, ახალი ზომები უცხო სახელმწიფოების ქმედებებთან დაკავშირებული უსაფრთხოების რისკების შემცირებაზე უნდა იყოს მიმართული.

ამავდროულად, ევროკომისიამ კიდევ ერთხელ დაადასტურა, რომ ვიზების გაცემა ეროვნული მთავრობების პასუხისმგებლობად რჩება და ბრიუსელის შესაძლებლობები ამ სფეროში კოორდინაციითა და ზედამხედველობით შემოიფარგლება.

ბრიუსელმა ასევე ხაზი გაუსვა, რომ რუსებისთვის გაცემული ვიზების რაოდენობა უკვე მნიშვნელოვნად შემცირდა. მიუხედავად იმისა, რომ სრულმასშტაბიანი კონფლიქტის დაწყებამდე ყოველწლიურად დაახლოებით ოთხი მილიონი შენგენის ვიზა გაიცემოდა, 2025 წელს ეს რიცხვი დაახლოებით 500 000-მდე შემცირდა.

თუმცა, ინიციატივის კრიტიკოსები აღნიშნავენ, რომ საფრანგეთი, იტალია და ესპანეთი ტრადიციულად უფრო მეტ ვიზას იღებენ, ვიდრე ევროკავშირის პატარა სახელმწიფოები, ამიტომ უფრო მაღალი რიცხვები თავისთავად არ მიუთითებს უფრო ლმობიერ პოლიტიკაზე. გარდა ამისა, ისინი აღნიშნავენ, რომ ევროკავშირის სანქციები უკვე მიმართულია იმ პირების მიმართ, რომლებიც პირდაპირ არიან დაკავშირებული რუსეთის ხელმძღვანელობასთან და სამხედრო ქმედებებთან.

ავტორი: ექსპრესნიუსი,

სოციალური ქსელები

უკრაინულმა დრონებმა პეტერბურგი დაბომბეს, დააზიანეს წყალქვეშა იარაღის წარმოების მთავარი ინსტიტუტი

NBC News: პენტაგონმა ისრაელის მხრიდან კონტრდაზვერვის საფრთხის დონე უმაღლესამდე გაზარდა

Axios: ვიტკოფი და კუშნერი ირანთან დაკავშირებულ მოლაპარაკებებში ბირთვული ექსპერტებს ჩართავენ

ევროკომისიამ რუსეთის მოქალაქეებისთვის ვიზების გაცემის გამკაცრების პირობა დადო