ევროპის სახალხო პარტიის ჯგუფის სამი წევრი: კშიშტოფ ბრეიზა, მიხალ შჩერბა და ანდჟეი ჰალიცკი მოითხოვენ საქართველოს შესახებ ანგარიშში შესწორებები შევიდეს. შესწორებაში, რომელსაც ფორმულა გაეცნო წერია, რომ ევროპარლამენტი გამოხატავს შეშფოთებას BBC-ის საგამოძიებო მასალასთან დაკავშირებით, რომელიც ეხება ბრალდებებს, რომ პირველი მსოფლიო ომის პერიოდის ქიმიური აგენტი, სახელწოდებით კამიტი, შესაძლოა, გამოყენებული ყოფილიყო საქართველოში, საპროტესტო აქციებზე, კონკრეტული პირების წინააღმდეგ.

ევროპარლამენტარები ხაზგასმით აღნიშნავენ, რომ თუ ეს დადასტურდება, ნებისმიერი ქიმიური აგენტის გამოყენება მშვიდობიანი მოსახლეობის წინააღმდეგ წარმოადგენს ადამიანის ფუნდამენტური უფლებების, საერთაშორისო ჰუმანიტარული ნორმებისა და საქართველოს საერთაშორისო სამართლებრივი ვალდებულებების მძიმე დარღვევას, მათ შორის ქიმიური იარაღის გამოყენების აკრძალვის პრინციპის.

ევროპარლამენტარები მიიჩნევენ, რომ დაუყოვნებლივ უნდა დაიწყოს დამოუკიდებელი, მიუკერძოებელი და გამჭვირვალე საერთაშორისო გამოძიება აღნიშნულ ბრალდებებთან დაკავშირებით.

ისინი აღნიშნავენ, რომ ევროკავშირმა არ უნდა შეინარჩუნოს დუმილი მსგავსი ინფორმაციის შესახებ, განსაკუთრებით მაშინ, როცა ისინი ეხება ქვეყანას, რომელსაც აქვს ევროკავშირის კანდიდატის სტატუსი.

ამასთან, ხაზს უსვამენ, რომ მშვიდობიანი მოსახლეობის წინააღმდეგ ქიმიური აგენტების გამოყენების ნებისმიერი დადასტურებული ფაქტი ფუნდამენტურად ეწინააღმდეგება იმ ღირებულებებს, რომლებზეც ევროკავშირია დაფუძნებული და საჭიროებს ევროკავშირის მხრიდან მტკიცე და პროპორციულ რეაგირებას, მათ შორის პასუხისმგებელი პირების მიმართ დამატებითი შემზღუდავი ზომების განხილვას.

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს