უკრაინის პრეზიდენტმა ვოლოდიმირ ზელენსკიმ მიხაილო ბროდოვიჩი საქართველოში უკრაინის საგანგებო და სრულუფლებიან ელჩად დანიშნა.

RBC-Ukraine-ის ცნობით, სახელმწიფოს მეთაურმა შესაბამის ბრძანებულებას #83/2026 2026 წლის 26 იანვარს მოაწერა ხელი.

„მიხაილო ფრანკოვიჩ ბროდოვიჩის საქართველოში უკრაინის საგანგებო და სრულუფლებიან ელჩად დანიშვნის შესახებ“, - ნათქვამია დოკუმენტში.

საქართველოში უკრაინის ელჩის თანამდებობა 2022 წლიდან, იგორ დოლგოვის დიპლომატიური მისიის დასრულების შემდეგ, ვაკანტურია. ამ ხნის განმავლობაში, უკრაინას თბილისში ოთხი წელზე ნაკლებ დროში ხუთი საქმეების დროებით რწმუნებული წარმოადგენდა. 2025 წლიდან რომან იაკოვენკო მოვალეობის შემსრულებლად მუშაობდა.

მიხაილო ბროდოვიჩი უკრაინის საგარეო საქმეთა სამინისტროს დიპლომატიურ სამსახურში 1996 წლიდან მსახურობს. წლების განმავლობაში იგი სტამბოლში უკრაინის გენერალურ საკონსულოში კონსულის, კრაკოვში უკრაინის გენერალური კონსულის თანამდებობებს იკავებდა, ხოლო 2015 წლიდან 2022 წლამდე უკრაინის საგანგებო და სრულუფლებიანი ელჩი იყო სლოვენიაში.

ავტორი: ექსპრესნიუსი,

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა