რუსეთმა ოთხი წლის შემდეგ პირველად გამოაქვეყნა ინფორმაცია კრეისერი Москва დაღუპული მეზღვაურების რაოდენობის შესახებ და პირველად აღიარა, რომ ხომალდი უკრაინის შეიარაღებული ძალების თავდასხმის შედეგად განადგურდა. 

 22 იანვარს, მოსკოვის ოლქის სამხედრო სასამართლომ განაჩენი გამოაცხადა და კრეისერზე, ასევე ფრეგატ „ადმირალ ესენზე“ 2022 წლის აპრილში თავდასხმის საქმეზე უკრაინის საზღვაო ძალების 406-ე საარტილერიო ბრიგადის მეთაურს, ანდრეი შუბინს, დაუსწრებლად მიუსაჯა სამუდამო პატიმრობა "საერთაშორისო ტერორიზმის" ბრალდებით.

 სასამართლოს პრესრელიზის თანახმად, კრეისერ „მოსკოვზე“ სარაკეტო თავდასხმის დროს ეკიპაჟის 20 წევრი დაიღუპა, კიდევ 24 დაშავდა, ხოლო რვა დღემდე დაკარგულად ითვლება. სასამართლოს პრესსამსახურმა განაცხადა, რომ მეზღვაურების სიკვდილი გამოწვეული იყო აფეთქებით, ხანძრით და კვამლით, მათ შორის გემის გადარჩენისთვის ექვს საათზე მეტი ხნის ბრძოლის დროს.

 თუმცა,  Mediazona-ს ცნობით, გამოქვეყნებიდან მალევე, პრესრელიზი სასამართლოს ვებგვერდიდან წაიშალა.

 თავდაპირველად, რუსეთის თავდაცვის სამინისტრომ განაცხადა, რომ კრეისერ მოსკოვზე ხანძარი გაჩნდა, რის შედეგადაც მხოლოდ ერთი ადამიანი დაიღუპა, 27 მეზღვაური კი დაკარგულად გამოცხადდა. მოგვიანებით სასამართლომ დაღუპულად გამოაცხადა 17 მეზღვაური. უკრაინის ხელისუფლება კი თავიდანვე ადასტურებდა, რომ კრეისერზე თავდასხმა ორი „ნეპტუნის“ ტიპის ხომალდსაწინააღმდეგო რაკეტით განახორციელეს.

  შავი ზღვის ფლოტის ფლაგმანი კრეისერი Москва ზმეინის კუნძულთან ახლოს, 2022 წლის 14 აპრილს ჩაიძირა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს