შორენა ბეგაშვილის შვილს დღეს კიდევ ერთი ოპერაცია ჩაუტარდება

2016-03-29 11:08:41, 514 ნახვა

საზოგადოება

შორენა ბეგაშვილის შვილს ევა ბარბაქაძეს დღეს კიდევ ერთი ოპერაცია კიდურებზე ჩაუტარდება.

ამის შესახებ პროდიუსერი კახი მამულაშვილი "ფეისბუქის" გვერდზე წერს.

ევა ბარბაქაძეს გუშინ ოპერაცია ხერხემალზე გაუკეთდა. 9 საათიანი ოპერაცია წარმატებით დასრულდა:

"მოკლედ, მეგობრებო, 9 საათიანი ოპერაცია დასრულდა ხერხემალზე მხოლოდ, ყველაფერი ნორმალურადაა როგორც ექიმები ამბობენ, ხვალ ჩაერთვებიან ტრავმატოლოგები და იქნება 3 საათიანი ოპერაცია ხელზე და ფეხზე", - წერს კახი მამულაშვილი.

შეგახსენებთ, შორენა ბეგაშვილის შვილი მე-5 სართულიდან გადმოვარდა. ის მრავლობითი მოტეხილობებით, სასწრაფო დახმარების ბრიგადამ ჯერ რესპუბლიკურ საავადმყოფოში, შემდეგ კი, იაშვილის კლინიკაში გადაიყვანა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან