2026 წლის 1 ივნისიდან, მოქალაქეები, რომლებიც საქართველოს ფარგლებს გარეთ ექვს თვეზე მეტი ხნის განმავლობაში იმყოფებიან, დაკარგავენ სახელმწიფოს მიერ დაფინანსებულ საყოველთაო ჯანდაცვის პროგრამას. ხელახალი რეგისტრაცია მხოლოდ წერილობითი მოთხოვნის შემთხვევაში იქნება შესაძლებელი.

ამასთან, დადგენილებაში ასევე აღნიშნულია, რომ მოსარგებლის ხელახალი რეგისტრაცია განხორციელდება „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებით დამტკიცებული პროგრამის 23-ე მუხლის მე-4 პუნქტით განსაზღვრული პირობების შესაბამისად.

ანუ პროგრამაში მონაწილე სამედიცინო დაწესებულებებმა პროგრამის მოსარგებლეთა რეგისტრაცია უნდა განახორციელონ მხოლოდ მოსარგებლის თანხმობის საფუძველზე, რომელიც დადასტურებული უნდა იყოს მოსარგებლის ან არასრულწლოვანის შემთხვევაში - მისი კანონიერი წარმომადგენლის ხელმოწერით.

პროგრამა 2013 წლიდან მოქმედებს და მოიცავს ვაქცინაციას, გადაუდებელ დახმარებას, მშობიარობას, ტუბერკულოზის, აივ ინფექციის, დიაბეტის, დიალიზის და იშვიათი დაავადებების მკურნალობას. 2026 წლისთვის პროგრამისთვის 1.5 მილიარდი ლარია გამოყოფილი.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს