პრეზიდენტმა ვოლოდიმირ ზელენსკიმ ევროკავშირის, კანადისა და ნატოს წარმომადგენლებთან მშვიდობიანი მოგვარების დიპლომატიური ძალისხმევა და ძირითადი პრიორიტეტები განიხილა.

მან ამის შესახებ სოციალურ ქსელში განაცხადა.

ზელენსკის შეხვედრა ევროკავშირის, კანადისა და ნატოს წარმომადგენლებთან აშშ-ის პრეზიდენტ დონალდ ტრამპთან მისი შეხვედრის წინა დღეს გაიმართა.

შეხვედრაში მონაწილეობდნენ კანადის პრემიერ-მინისტრი მარკ კარნი, საფრანგეთის პრეზიდენტი ემანუელ მაკრონი, ფინეთის პრეზიდენტი ალექსანდრ სტუბი, გერმანიის კანცლერი ფრიდრიხ მერცი, იტალიის პრემიერ-მინისტრი ჯორჯო მელონი, დანიის პრემიერ-მინისტრი მეტე ფრედერიქსენი, პოლონეთის პრემიერ-მინისტრი დონალდ ტუსკი, ნიდერლანდების პრემიერ-მინისტრი დიკ შუფი, ნორვეგიის პრემიერ-მინისტრი იონას გარ სტორი, შვედეთის პრემიერ-მინისტრი ულფ კრისტერსონი, ევროპული საბჭოს პრეზიდენტი ანტონიო კოსტა, ევროკომისიის პრეზიდენტი ურსულა ფონ დერ ლაიენი, ნატოს გენერალური მდივანი მარკ რუტე და ბრიტანეთის პრემიერ-მინისტრის მრჩეველი ჯონათან პაუელი.

ზელენსკიმ მონაწილეებს კოორდინაციისა და მხარდაჭერისთვის მადლობა გადაუხადა.

„საუბრის დროს განვიხილეთ ჩვენი მიმდინარე დიპლომატიური პროგრესი. ერთად განვიხილეთ ყველაზე მნიშვნელოვანი პრიორიტეტები. უკრაინა აფასებს ყველა მხარდაჭერას. საუბარს ხვალ, პრეზიდენტ ტრამპთან შეხვედრის შემდეგ გავაგრძელებთ“, - დასძინა უკრაინის ლიდერმა.

აღსანიშნავია, რომ 28 დეკემბრის ღამეს, უკრაინის დელეგაცია შეერთებულ შტატებში ჩავიდა, რათა მონაწილეობა მიეღო პრეზიდენტ ზელენსკის და ტრამპს შორის შეხვედრაში.

ერთი დღით ადრე, ზელენსკიმ გამოკვეთა ხუთი თემატური სფერო, რომლებიც განხილული იყო „სამშვიდობო გეგმის“ მოლაპარაკებებში და რომელთა განხილვაც მას სურს აშშ-ის პრეზიდენტთან შეხვედრაზე.

ის ასევე მიიჩნევს, რომ ვაშინგტონს ახლა უკეთ ესმის უკრაინის „წითელი ხაზები“ ომის დასრულების პარამეტრებთან დაკავშირებით.

ავტორი: ექსპრესნიუსი,

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა