რუსეთის პატრიარქი კირილე საქართველოს კათოლიკოს-პატრიარქ ილია მეორეს და აღსაყდრების 48 წლისთავს ულოცავს. წერილში რუსეთის პატრიარქი ილია მეორეს არასრული ტიტულატურით იხსენიებს. "უწმინდესი და უნეტარესი ილია II სრულიად საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთისა" - ამ სრული ტიტულის ნაცვლად კირილეს წერილში აღნიშნულია მხოლოდ "უწმინდესი და უნეტარესი სრულიად საქართველოს კათოლიკოს-პატრიარქი ილია მეორე".

"გულწრფელად გილოცავთ ყოვლადწმინდა ქართული მართლმადიდებლური ეკლესიის საპატრიარქო ტახტზე ასვლის წლისთავს. თქვენი მრავალწლიანი წინამძღვრობა სულითა და ჭეშმარიტებით ღვთისადმი პატივისცემით მსახურების მაგალითია (იოანე 4:23). თქვენ დაიმსახურეთ სიყვარული და პატივისცემა არა მხოლოდ საქართველოში: თქვენ ცნობილი და პატივცემული ხართ მთელ მართლმადიდებლურ სამყაროში, როგორც გულმოდგინე მთავარეპისკოპოსი და მხურვალე მლოცველი. რუსეთის მართლმადიდებლური ეკლესია დიდად აფასებს თქვენს მნიშვნელოვან წვლილს ჩვენს ხალხებს შორის ძმური და კეთილმეზობლური ურთიერთობების შენარჩუნებასა და განმტკიცებაში. ამ მნიშვნელოვან დღეს, გულწრფელად ვლოცულობ, რომ უფალმა, თავისი მადლის სიმდიდრით განაახლოს თქვენი სულიერი და ფიზიკური ძალა, გაგაძლიეროთ თქვენს პასუხისმგებლიან საპატრიარქო მსახურებაში" | წერს რუსეთის პატრიარქი კირილე.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს