რუსეთის გენერალური შტაბის უფროსმა ვალერი გერასიმოვმა პრეზიდენტ ვლადიმერ პუტინთან შეხვედრაზე განაცხადა, რომ რუსეთის არმიამ უკრაინის დასახლებული პუნქტები პოკროვსკი (დონეცკის რეგიონში) და ვოლჩანსკი (ხარკოვის რეგიონში) აიღო. უკრაინელი სამხედრო მოსამსახურეები და ღია მონაცემების ანალიტიკოსები ამ მტკიცებებს არ ადასტურებენ.

რუსული საინფორმაციო სააგენტო „ინტერფაქსის“ ცნობით, პუტინმა სამხედროებს მადლობა გადაუხადა „კრასნოარმეისკზე მათი მუშაობის შედეგებისთვის“. ეს არის საბჭოთა ეპოქის სახელი, რომელსაც რუსები პოკროვსკის ნაცვლად იყენებენ.

OSINT პროექტების რუკებზე, რომლებიც მუდმივად აკვირდებიან ფრონტის ხაზზე ცვლილებებს - უკრაინული DeepState და ფინური Black Bird Group - მონაცემებით  არც ვოლჩანსკი და არც პოკროვსკი ჯერ სრულად არ აუღია რუსეთის არმიას.

უფრო მეტიც, როგორც ბევრი სამხედრო დამკვირვებელი განმარტავს, დრონებით ომის კონტექსტში, უკიდურესად რთულია საუბარი ნებისმიერ ტერიტორიაზე თავდაჯერებულ კონტროლზე, სანამ ის ზურგში საკმაოდ ღრმად არ განლაგდება.

DeepState პროექტის ავტორები, 1 დეკემბერს პოკროვსკში არსებული ვითარების მოკლე აღწერაში, აღიარებენ, რომ რუსული ჯარები „განაგრძობენ ბრძოლებს პოკროვსკსა და მის შემოგარენში, ცდილობენ რა ტერიტორიაზე ფიზიკური კონტროლის დამყარებას“.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს